ខ្ញុំសុំបង្ហាញលិខិតមួយ ដែលខ្ញុំសុំហៅថា 'លិខិតអនុញ្ញាត'។ ឮពាក្យ 'អនុញ្ញាត' ទៅហើយ, មួយរយភាគរយ លិខិតនេះជាលិខិតពីថ្នាក់លើមកថ្នាក់ក្រោម។ ចំពោះក្បាលលិខិត ខ្ញុំសុំមិនរៀបរាប់ទេ។ ខ្ញុំសុំចាប់ផ្តើមពីកាលបរិច្ឆេទ។ ដោយសារតែលិខិតនេះជាលិខិតពីថ្នាក់លើមកថ្នាក់ក្រោម ដូច្នេះកាលបរិច្ឆេទ ត្រូវនៅខាងលើ មិនមែននៅត្រង់កន្លែងចុះហត្ថលេខាឡើយ។ បន្ទាប់ពីកាលបរិច្ឆេទ, ដាក់ពាក្យថា 'លិខិតអនុញ្ញាត' នៅចំកណ្តាលក្រដាស។ ហើយគ្មាន 'កម្មវត្ថុ' ទេ, មានតែ 'យោង' ។ រួចហើយសរសេរចំៗ, ខ្លីៗ ច្បាស់ៗថា៖ លោក លោកស្រីដូចមានរាយនាមខាងក្រោម ត្រូវបានអនុញ្ញាតឲ្យ ឲ្យធ្វើអ្វី? នោះគឺអាស្រ័យលើការងារជាក់ស្តែងរបស់លោកអ្នក។ ខ្ញុំមិនអាចឆ្លើយបានទេ។ បន្ទាប់មក រាយនាម និងព័ត៌មានរបស់អ្នកដែលត្រូវបានអនុញ្ញាតទាំងនោះ។ ត្រង់កន្លែងនេះ លោកអ្នកអាចសរសេរបែបហ្នឹងក៏បាន ឬធ្វើតារាងបែបនេះក៏បានដែរ។ អាស្រ័យលើចំណូលចិត្តរបស់លោកអ្នក ឬការសម្រេចរបស់ថ្នាក់ដឹកនាំស្ថាប័នលោកអ្នក។ បន្ទាប់មក សរសេរបញ្ចប់ថា លិខិតនេះមានប្រសិទ្ធភាពចាប់ពីថ្ងៃចុះហត្ថលេខាតទៅ។ ខ្លឹមសារលិខិតចប់ត្រឹមនេះ។ មកដល់ផ្នែកចុះហត្ថលេខា។ ខ្ញុំសុំមិនរៀបរាប់ថាធ្វើដូចម្តេចខ្លះទេ។ ព្រោះអាចពេលខ្លះចុះហត្ថលេខា, ពេលខ្លះត្រូវវាយត្រា, ពេលខ្លះត្រូវដាក់ថាចម្លងជូនអីជាដើម។ ហេតុនេះ ត្រង់ចំណុចហ្នឹង ខ្ញុំសុំឲ្យលោកអ្នកស្វែងរកព័ត៌មានបន្ថែម នូវប្រភេទលិខិតដែលត្រូវនឹងការងារជាក់ស្តែងរបស់លោកអ្នក៕

បញ្ជាក់៖ ទិន្នន័យក្នុងអត្ថបទនេះជាបទពិសោធការងារកន្លងមក។ វាជាជ្រុងតូចមួយនៃរដ្ឋបាលទូទៅស្ថាប័នរដ្ឋ, ហើយសម្រាប់ជាព័ត៌មាន និងជាចំណេះដឹងទូទៅប៉ុណ្ណោះ។ លិខិតរដ្ឋបាលទូទៅនៃស្ថាប័នរដ្ឋចែកជា៖ ១. លិខិតទៅក្រៅស្ថាប័ន (លិខិតចេញ ឬលិខិតផ្លូវការ) ២. លិខិតចរាចរណ៍ក្នុងស្ថាប័ន (លិខិតផ្ទៃក្នុង) ជាទូទៅ ផ្នែកការងារក្នុងស្ថាប័ន ហៅថា 'នាយកដ្ឋានឬអង្គភាព'។ ចំពោះលិខិតផ្ទៃក្នុងជាបន្ទុករបស់នាយកដ្ឋាននីមួយៗក្នុងស្ថាប័ន។ បើលិខិតចេញ អាចនឹងទទួលបន្ទុកដោយ៖ - នាយកដ្ឋានរដ្ឋបាលទូទៅ - នាយកដ្ឋានទំនាក់ទំនងសាធារណៈ ឬ - នាយកដ្ឋានព័ត៌មាន និងផ្សព្វផ្សាយ។ល។ លិខិតជំនាញ ស្ថិតក្នុងប្រភេទលិខិតចេញទៅក្រៅស្ថាប័ន ដែលតម្រូវឲ្យនាយកដ្ឋានឬអង្គភាពទទួលបន្ទុកការងារជាអ្នករៀបចំ និងផលិតខ្លឹមសារទាំងស្រុង, បន្ទាប់មកទើបប្រគល់ឲ្យនាយកដ្ឋានទទួលខុសត្រូវផ្នែកផ្ញើចេញឬផ្សព្វផ្សាយចាត់ចែងបន្ត៕

តើក្នុងក្រដាសកិច្ចសន្យាលក់ផ្ទះ, ជួលផ្ទះ, ជួលបន្ទប់, ជួលមុខផ្ទះ និងលក់ឬជួលអចលនទ្រព្យផ្សេងៗ គួរដាក់ក្បាលលិខិតដែរឬទេ? ត្រង់ចំណុចនេះ, សូមលោកអ្នកដែលជាម្ចាស់ទ្រព្យមេត្តាទៅសាកសួរសង្កាត់ឬខណ្ឌ។ ឧទាហរណ៍ លោកអ្នករស់នៅសង្កាត់ផ្សារដេប៉ូ ហើយចង់លក់ឬជួលទីតាំងនៅសង្កាត់ផ្សារដេប៉ូ, អ៊ីចឹងលោកអ្នកគួរទៅសួរនៅសង្កាត់ផ្សារដេប៉ូ។ បើលោកអ្នកនៅសង្កាត់ផ្សារដេប៉ូ ហើយចង់លក់ឬជួលទីតាំងនៅសង្កាត់ទួលស្វាយព្រៃ, អ៊ីចឹងលោកអ្នកគួរទៅសួរខាងសង្កាត់ទួលស្វាយព្រៃ៕ https://youtube.com/shorts/PZlhnhxv4Eg