ពេលដែលមានក្រុមការងារមកពីបរទេសមកធ្វើ Exchange Program នៅស្ថាប័ន, ឧទាហរណ៍មកឲ្យស្ថាប័នចែករំលែកបទពិសោធការងាររបស់ខ្លួន, ជាទូទៅ ខាងស្ថាប័ននឹងចាត់ឲ្យមានអ្នកប្រមូលព័ត៌មានពីក្រុមការងារដែលមកធ្វើ Exchange Program ដែលអាចហៅថា 'អ្នកសម្របសម្រួល' ឬ 'Focal Person'។ តើព័ត៌មានអ្វីខ្លះដែលត្រូវប្រមូល? ជាធម្មតា ខាងក្រុមការងារបរទេសនឹងមានព័ត៌មានសង្ខេបពីអ្នកដែលមកចូលរួម តែខាងស្ថាប័នក៏ត្រូវមានក្រដាសសម្រាប់ចុះវត្តមានដែរ សម្រាប់ទុកជាឯកសារផ្ទាល់ខ្លួន។ នៅក្នុងក្រដាសចុះវត្តមាន ក្រៅពីឈ្មោះ និងហត្ថលេខា, គួរមានចន្លោះសម្រាប់ឲ្យបំពេញតួនាទី ដែលផ្តោតសំខាន់លើនរណាជាប្រធានដឹកនាំក្រុម, នរណាជាអនុប្រធានដឹកនាំក្រុម និងនរណាជាអ្នកបកប្រែ។ ហើយអ្នកទាំងបីនេះជាអ្នកដែល Focal Person គួរមានសារអេឡិចត្រូនិចឬលេខទូរស័ព្ទសម្រាប់រក្សាទំនាក់ទំនង។ បើនិយាយពីទំហំការងារ, តាមភាពជាក់ស្តែងមានតែប៉ុណ្ណឹងទេ។ ប៉ុន្តែបើសិនជា Focal Person អាចពង្រីកទំហំការងាររបស់ខ្លួន, នោះជាការប្រសើរ។ តើពង្រីកទំហំយ៉ាងម៉េច? Focal Person អាចស្វែងរកព័ត៌មានបន្ថែមរបស់ក្រុមការងារបរទេស ទាំងរបស់ប្រធានដឹកនាំក្រុម, អនុប្រធានដឹកនាំក្រុម, អ្នកបកប្រែ និងសមាជិក ដូចជាប្រវត្តិរូបសង្ខេប, ប្រវត្តិការងារ, គណនីបណ្តាញសង្គមនានារបស់ពួកគេ រួចរៀបចងក្រងជាឯកសារភ្ជាប់ជាមួយនឹងរបាយការណ៍ និងឯកសារពាក់ព័ន្ធនឹង Exchange Program។ អត្ថប្រយោជន៍មួយនៃការពង្រីកទំហំការងារនេះ គឺដើមី្បងាយស្រួលតាមដាន និងធ្វើបច្ចុប្បន្នភាពលើការងារ … Continue reading ខ្លីៗពីតួនាទីជា Focal Person សម្រាប់ Exchange Program ស្ថាប័នរដ្ឋ
Category: គំរូ Voice over script
គំរូរបាយការណ៍សកម្មភាពការងារប្រចាំខែតាមលំនាំរបាយការណ៍គម្រោង
គំរូរបាយការណ៍មួយនេះ នាងខ្ញុំយកលំនាំ និងសម្រួលចេញពីបែបបទរបាយការណ៍របស់មន្ត្រីបុគ្គលិក ដែលធ្វើការ និងទទួលប្រាក់ឧបត្ថម្ភគម្រោង។ ផ្នែកខាងលើ នាងខ្ញុំមិនចាំបាច់រៀបរាប់ទេ ព្រោះ ជាបែបបទដែលប្រើលើឯកសាររដ្ឋបាលទូទៅ ដែលលោកអ្នកតែងបានឃើញជាប្រចាំ។ ចំពោះផ្នែកកណ្តាល ជាការសរសេររៀបរាប់បែបសង្ខេបពីអ្វីដែលលោកអ្នកបានធ្វើក្នុងមួយខែ ហើយវាជាភារកិច្ចដែលលោកអ្នកត្រូវទទួលខុសត្រូវ ដែលបានកំណត់ដោយស្ថាប័ន ពេលដែលលោកអ្នកត្រូវបានជ្រើសរើសឲ្យចូលបំពេញភារកិច្ចនេះ។ មកដល់ផ្នែកបន្ទាប់ជាការងាររបស់ថ្នាក់លើ ដែលត្រូវបានចាត់តាំងដោយស្ថាប័ន ដើម្បីមានសិទ្ធិអំណាចដាក់ពិន្ទុឲ្យលោកអ្នក និងកំណត់ បរិមាណប្រាក់ឧបត្ថម្ភ សម្រាប់ខែ ដែលលោកអ្នកធ្វើរបាយការណ៍មួយនេះ។ ចំពោះតួលេខភាគរយប្រាក់ឧបត្ថម្ភ នាងខ្ញុំគ្រាន់តែដាក់ជាឧទាហរណ៍ទេ។ លោកអ្នកអាចកែតាមភាពជាក់ស្តែងបាន ប្រសិនបើលោកអ្នកយកគំរូនេះទៅប្រើប្រាស់។ ផ្នែកបញ្ចប់នៃរបាយការណ៍មិនខុសពីរបាយការណ៍ប្រជុំទេ។ ចុងខាងស្តាំជារបស់ម្ចាស់របាយការណ៍ ដូច្នេះត្រូវដាក់ថារាយការណ៍ដោយ បន្ទាប់មកចុះហត្ថលេខា រួចដាក់ឈ្មោះ, មុខតំណែង ហើយនិងថ្ងៃខែឆ្នាំធ្វើរបាយការណ៍។ រួចហើយបញ្ជូនទៅ ថ្នាក់លើឲ្យគាត់ត្រួតពិនិត្យលើ ខ្លឹមសារថា ពិតជាត្រឹមត្រូវឬទេ។ បើត្រឹមត្រូវហើយ, ចុះហត្ថលេខា, រួចបញ្ជូនទៅថ្នាក់ដឹកនាំដើម្បីចុះហត្ថលេខាអនុម័ត៕ https://youtu.be/aKJTkiTVsx0
៤ ចំណុចខុសគ្នារវាងក្រមួនធ្វើពីលម្អងឃ្មុំ និងក្រមួនទិញពីផ្សារ
បញ្ជាក់៖ តាមការសង្កេត និងយល់ឃើញផ្ទាល់ខ្លួន។ ព័ត៌មានទូទៅ លម្អងឃ្មុំធម្មជាតិក្រមួនស្រាប់ទិញពីផ្សារតម្លៃ៦០ ០០០ រៀល ក្នុងមួយគីឡួក្រាម៥ ០០០ រៀល ក្នុងមួយដុំទីកន្លែងលក់ខាងក្រៅផ្សារអូរឫស្ស្រីខាងក្នុងផ្សារអូរឫស្សីរូបរាងសម្បុកឃ្មុំជាប់នឹងបង្គងដុំមូលៗ ភាពខុសគ្នា ១. ក្រមួនធ្វើពីលម្អងឃ្មុំថ្លៃ និងបានតិច។ ឯក្រមួនផ្សារថោក និងបានច្រើន។ ២. ក្រមួនធ្វើពីលម្អងឃ្មុំមានក្លិនឈ្ងុយ និងក្លិនផ្អែមនៃទឹកឃ្មុំ។ ឯក្រមួនផ្សារមានក្លិនទឹកឃ្មុំ តែមិនឈ្ងុយដូចក្រមួនធ្វើពីលម្អងឃ្មុំទេ ហើយក្លិនរាងធ្ងន់ៗ។ ៣. ក្រមួនធ្វើពីលម្អងឃ្មុំ មានពណ៌មាស, ភ្លឺ។ ឯក្រមួនផ្សារមានពណ៌លឿងស្រគាំ និងរាងស្រអាប់។ ៤. ក្រមួនធ្វើលម្អងឃ្មុំ មានជាប់កម្ទេចកម្ទី។ ឯក្រមួនផ្សារស្អាតចែស, មិនមានកម្ទេចឬជាប់អ្វីឡើយ៕ https://videopress.com/v/EUuJskt8?resizeToParent=true&cover=true&posterUrl=https%3A%2F%2Fvideos.files.wordpress.com%2FEUuJskt8%2F2026-01-19-091736446_mp4_std.original.jpg&preloadContent=metadata&useAverageColor=true 4 differences between wax made from bee comb and wax bought from the market Note: It’s based on an … Continue reading ៤ ចំណុចខុសគ្នារវាងក្រមួនធ្វើពីលម្អងឃ្មុំ និងក្រមួនទិញពីផ្សារ
ពាក្យផ្តើមទាំង ៣ ក្នុងលិខិតរដ្ឋបាលទូទៅនៃស្ថាប័នរដ្ឋ
ក្នុងរបៀបសរសេរលិខិតរដ្ឋបាលទូទៅរបស់ស្ថាប័នរដ្ឋនៅប្រទេសកម្ពុជា៖ - បើលិខិតចេញពីអ្នកមានឋានៈទាបជាងទៅកាន់អ្នកមានឋានៈខ្ពស់ជាង ផ្តើមដោយពាក្យ «សូមគោរព» ឬ «សូមគោរពជូន»។ - បើលិខិតចេញពីអ្នកមានឋានៈខ្ពស់ជាងមកកាន់អ្នកមានឋានៈទាបជាង ផ្តើមដោយពាក្យ «ជម្រាបជូន»។ - ដោយឡែក លិខិតចេញពីព្រះមហាក្សត្រមកនាយករដ្ឋមន្ត្រី ផ្តើមដោយពាក្យ «ជូន»៕
ស្រមោលព្រះចន្ទ្រ 
