បើសិនអតិថិជនមានថវិកាត្រឹមតែ ១០០ ដុល្លារសហរដ្ឋ, មាតិកាវីដេអូពាណិជ្ជកម្មដែលអាចធ្វើបាន គួរតែមានពីរ: - ប្រភេទប្រើរូបភាព - ប្រភេទ stop motion ចំពោះប្រភេទទី ១, លោកអ្នកត្រូវការរូបភាពផលិតផល ហើយលោកអ្នកអាចយកមកច្នៃឲ្យមានចលនាដោយប្រើកម្មវិធីឌីជីថលជាជំនួយ។ ទាក់ទងនឹងតើធ្វើយ៉ាងណាដើម្បីបានរូបភាព, នោះអាស្រ័យលើលោកអ្នកចរចាជាមួយនឹងអតិថិជន។ ចំពោះប្រភេទទី ២, លោកអ្នកត្រូវការផលិតផលនោះពិតៗ, មិនមែនរូបភាពទេ, ហើយលោកអ្នកត្រូវចេះផលិតវីដេអូបែប stop motion ដែលលោកអ្នកអាចរៀនបានតាមវីដេអូអនឡាញបាន។ ទាក់ទងនឹងថេរវេលាវីដេអូ, នោះអាស្រ័យលើការចរចា រវាងលោកអ្នក ដែលជាអ្នកផ្តល់សេវាកម្ម និងអតិថិជនរបស់លោកអ្នក៕ https://dai.ly/x9psbey
Category: How to produce TV commercial
គុណសម្បត្តិ និងគុណវិបត្តិនៃការធ្វើវីដេអូ Stop Motion
គ្រប់កិច្ចការដែលធ្វើតែងផ្តល់គុណសម្បត្តិ និងគុណវិបត្តិ។ ដូចជាការធ្វើវីដេអូ stop motion ក៏មានទាំងគុណសម្បត្តិ និងគុណវិបត្តិចំពោះអ្នកធ្វើដែរ។ គុណសម្បត្តិ - មិនទាមទារជំនាញកុំព្យូទ័រ ឬឌីហ្សាញ - មិនសូវប៉ះពាល់ដល់សុខភាពភ្នែកខ្លាំង គុណវិបត្តិ - ចំណាយពេលវេលា - ចំណាយថវិកា - ប្រើខួរក្បាលខ្លាំង (ព្រោះត្រូវការគិតច្រើន) - មានផលប៉ះពាល់ដល់ចង្កេះ និងក - ស្ត្រេស និងរងសម្ពាធខ្លាំង ក្នុងចំណោមគុណវិបត្តិខាងលើ បីចំណុចដំបូងជាចំណុចដែលយើងមិនអាចកែសម្រួលឬកែខៃបានឡើយ ប៉ុន្តែយើងអាចមានវិធីដើមី្បកាត់បន្ថយផលប៉ះពាល់ពាក់ព័ន្ធនឹងពីរចំណុចខាងក្រោម ដោយ៖ - រៀបចំកាលវិភាគធ្វើការឲ្យបានច្បាស់លាស់ ដោយមានរយៈពេលសម្រាប់ធ្វើការ និងរយៈពេលសម្រាប់សម្រាក - រយៈពេលសម្រាក គួរតែបញ្ចូលនូវការហាត់ប្រាណ និងការទៅកាន់ទីតាំងដែលមានធម្មជាតិ - ព្យាយាមជួបជាមួយមនុស្សថ្មីៗ, បើសិនជាជួបប្រាស្រ័យនឹងមនុស្សដដែលៗ (បងប្អូន, មិត្តភក្តិ, មិត្តរួមការងារ) គួរតែនិយាយរឿងអ្វីដែលនាំឲ្យសើចសប្បាយ ទោះយ៉ាងណា ចំណុចដែលរៀបរាប់ក្នុងគុណសម្បត្តិ និងគុណវិបត្តិនៃការធ្វើវីដេអូ stop motion គ្រាន់តែជាចំណុចទូទៅប៉ុណ្ណោះ ហើយវិធីសាស្ត្រដែលណែនាំដល់លោកអ្នកក៏ជាវិធីទូទៅ និងជាផ្នែកតូចមួយនៃបទពិសោធរបស់ខ្ញុំដែលជាអ្នកអនុវត្តការធ្វើវីដេអូ stop … Continue reading គុណសម្បត្តិ និងគុណវិបត្តិនៃការធ្វើវីដេអូ Stop Motion
ដំណើរផលិតវីដេអូពាណិជ្ជកម្មគំនូរជីវចល «ពួកយើង និងខ្មោច»
ដើមី្បផលិតវីដេអូពាណិជ្ជកម្មជីវចល ដែលមានចំណងជើងថា «ពួកយើង និងខ្មោច» បាន, ខ្ញុំដែលជាអ្នកផលិតត្រូវ៖ ១. សរសេរសាច់រឿង ២. ធ្វើផែនការ ដោយប្រើប្រាស់ TVC template ៣. ផលិតរូបភាព ៤. ផលិតជាវីដេអូ ក្នុងការផលិតរូបភាពចែកជា៖ - ធ្វើពុម្ពរូបតួនៅក្នុងសាច់រឿង - ថតកាយវិការរបស់រូបពុម្ពជារូបភាព - គូរចេញជាគំនូរ។ រីឯដំណើរផលិតជាវីដេអូវិញ គឺត្រូវ៖ - Save គំនូរជា file រូបភាព - យកគំនូរធ្វើជាវីដេអូចលនា ដែលភាសាអង់គ្លេសហៅថា Animation - យករូប និងវីដេអូចលនាមកផ្គុំគ្នា - ថតសំឡេងសម្តីតួអង្គ - ថតសំឡេងអម ដែលភាសាអង់គ្លេសហៅថា Sound effect - យកវីដេអូ, សំឡេងតួ និង sound effect មកបញ្ចូលគ្នា - រួច save … Continue reading ដំណើរផលិតវីដេអូពាណិជ្ជកម្មគំនូរជីវចល «ពួកយើង និងខ្មោច»
ធាតុផ្សំរបស់វីដេអូពាណិជ្ជកម្ម
វីដេអូពាណិជ្ជកម្មមានធាតុផ្សំសំខាន់ចំនួន ៣៖ - រូប - សំឡេង - អក្សរ រូប ក្នុងវីដេអូពាណិជ្ជកម្ម 'រូប' សំដៅដល់រូបថត, រូបគំនូរគូរដោយដៃឬគូរបែបឌីជីថល, និងរូបភាពមានសកម្មភាព ដែលខ្មែរយើងចូលចិត្តហៅថា រូបវីដេអូ។ នៅមាន 'គំនូរជីវចល' ដែលសំដៅដល់រូបគូរដោយដៃឬឌីជីថល រួចប្រើបច្ចេកទេសធ្វើឲ្យរូបនោះមានចលនា។ បច្ចុប្បន្នមានគំនូរជីវចលបែបថ្មី បង្កើតដោយ AI ដែលសូម្បីតែរូបថតក៏អាចធ្វើឲ្យមានចលនាបានដែរ។ សំឡេង ក្នុងវីដេអូពាណិជ្ជកម្ម សំឡេងចែកចេញជា ២៖ - សំឡេងរបស់តួអង្គ ជាភាសាអង់គ្លេសហៅថា dialogue - សំឡេងអម ជាភាសាអង់គ្លេសហៅថា sound effect សំឡេងតួអង្គ សំដៅសម្តីរបស់តួក្នុងវីដេអូ, កិច្ចសន្ទនារបស់តួអង្គ និងសំឡេងពិពណ៌នា។ សំឡេងអម អាចជាសំឡេងសត្វយំ, ខ្យល់, បរិយាកាសធម្មជាតិ, សំឡេងជជែកគ្នារបស់តួផ្សេងៗ, សម្រិបជើង, សំឡេងទំពា, ភ្លេង, ចម្រៀង។ល។ អក្សរ អក្សរដែលប្រើក្នុងវីដេអូពាណិជ្ជកម្មមាន៖ - ឈ្មោះរបស់ផលិតផល - … Continue reading ធាតុផ្សំរបស់វីដេអូពាណិជ្ជកម្ម
ស្រមោលព្រះចន្ទ្រ 