គំរូរបាយការណ៍ប្រជុំ (របៀបទី ១)

ជាទូទៅ ក្នុងរបាយការណ៍តាមបែបបទរដ្ឋបាលស្ថាប័នរដ្ឋមានចំណុចមូលដ្ឋានតែប៉ុន្មានចំណុចទេ ដែលតម្រូវឲ្យត្រូវតែមាននៅក្នុងទម្រង់ ប៉ុន្តែការរៀបចំ (ស្ទីល ឬភាសាអង់គ្លេសហៅថា style) អាចច្នៃទៅតាមចំណូល និងការសម្រេចរបស់ស្ថាប័នសាមី។

ដូចជាខាងក្រោមនេះជា គំរូស្ទីលរបាយការណ៍ ដែលខ្ញុំធ្លាប់បានឃើញ។ លោកអ្នកអាចមើលជាគំរូ ហើយបើសិនជាយកទៅប្រើប្រាស់ សូមកុំភ្លេចកែសម្រួលតាមការគួរ៕

**

**

*

សូមគោរពជូន

លោកជំទាវ…..

កម្មវត្ថុ :      របាយការណ៍ស្តីពីការប្រជុំរៀបចំផែនការរើសមន្ត្រីជាប់កិច្ចសន្យាផ្នែក IT

យោង   :      សំណើរបស់នាយកដ្ឋានរដ្ឋបាល ចុះថ្ងៃទី១៩ ខែកក្កដា ឆ្នាំ២០១៧

សេចក្តីដូចបានជម្រាបក្នុងកម្មវត្ថុខាងលើ នាងខ្ញុំសូមជម្រាបជូន លោកជំទាវ….. មេត្តាជ្រាបថា កាលពីថ្ងៃទី២១ ខែកក្កដា ឆ្នាំ២០១៧ នាយកដ្ឋានបុគ្គលិកបានធ្វើការប្រជុំពិភាក្សារៀបចំផែនការរើសមន្ត្រីជាប់កិច្ចសន្យាផ្នែក IT ឲ្យចូលបម្រើការងារក្នុង………….. ដើមី្បជួយការងារប្រចាំថ្ងៃរបស់នាយកដ្ឋានរដ្ឋបាលក៏ដូចជាការងាររបស់នាយកដ្ឋានផ្សេងៗ។ ការប្រជុំនេះធ្វើឡើងនៅបន្ទប់ប្រជុំ  និងមានការចូលរួមពី៖

១. ឯកឧត្តម    ឈ្មោះ                     មុខងារ

២. លោកជំទាវ ឈ្មោះ                     មុខងារ

៣. លោក       ឈ្មោះ                     មុខងារ

៤. លោកស្រី   ឈ្មោះ                     មុខងារ

៥. កញ្ញា         ឈ្មោះ                     មុខងារ

ក្រោយការពិភាក្សា និងពិនិត្យលើគម្រោងថវិកាប្រចាំឆ្នាំ ព្រមទាំងយោបល់របស់ផ្នែកហិរញ្ញវត្ថុ អង្គប្រជុំបានសម្រេចដូចខាងក្រោម៖

១. ជ្រើសរើសមន្ត្រីជាប់កិច្ចសន្យាផ្នែក IT ចំនួន ២ រូប ឲ្យចូលបម្រើការងារក្នុង…………….។

២. សម្រេចជ្រើសរើស នៅថ្ងៃទី១៣ ខែកញ្ញា ឆ្នាំ២០១៧។

៣. ប្រកាសផ្សព្វផ្សាយរើសមន្ត្រីជាប់កិច្ចសន្យាផ្នែក IT តាមគេហទំព័ររបស់…… និងគេហទំព័រ sveingrokjob.com ចាប់ពីថ្ងៃទី១ ខែសីហា ដល់ថ្ងៃទី៣១ ខែសីហា ឆ្នាំ២០១៧។

៤. មន្ត្រីជាប់កិច្ចសន្យាផ្នែក IT ត្រូវចូលបម្រើការងារនៅខែតុលា ឆ្នាំ២០១៧។

៥. ការងារនេះទទួលខុសត្រូវដោយនាយកដ្ឋានបុគ្គលិកសហការជាមួយនឹងនាយកដ្ឋានសាធារណៈ។

អាស្រ័យដូចបានជម្រាបជូនខាងលើ នាងខ្ញុំសូម លោកជំទាវ…………… មេត្តាជ្រាបជារបាយការណ៍។

សូម លោកជំទាវ…………… មេត្តាទទួលនូវការគោរពពីនាងខ្ញុំ។

ថ្ងៃ……….កើត  ខែ………….   ឆ្នាំ…………….. ព.ស. ……….

រាជធានីភ្នំពេញ ថ្ងៃ​ទី​……. ខែ…….   គ.ស. ……….

អ្នកធ្វើរបាយការណ៍