គំរូសំណើសុំប្តូរនាយកដ្ឋាន

សូមគោរពជូន

លោកជំទាវ…..

តាមរយៈ  ៖  លោកប្រធាននាយកដ្ឋាននាយករដ្ឋបាលទូទៅ

កម្មវត្ថុ    ៖  សំណើសុំប្តូរការងារពីនាយកដ្ឋានរដ្ឋបាលទូទៅទៅនាយកដ្ឋានទំនាក់ទំនងសាធារណៈ

សេចក្តីដូចបានជម្រាបក្នុង​កម្មវត្ថុខាងលើ នាងខ្ញុំ​​សូម​គោរពជម្រាបជូន លោកជំទាវ មេត្តាជ្រាបថា នាងខ្ញុំបានចូលបម្រើការងារក្នុងក្រសួង……. ជាបុគ្គលិកនាយកដ្ឋានរដ្ឋបាលទូទៅ តាំងពីឆ្នាំ………..មក។ ក្នុងអំឡុងនេះ នាងខ្ញុំបានរៀនសូត្រការងារជាច្រើន ដូចជាសរសេររបាយការណ៍ រៀបចំឯកសារ រៀបចំលិខិតចេញចូល និងការងារផ្សេងៗទៀត។ ដោយឃើញថាផ្នែកការងាររដ្ឋបាល នាងខ្ញុំចេះ និងយល់ដឹងសមល្មមហើយ និងនាងខ្ញុំចង់អភិវឌ្ឍសមត្ថភាពរបស់នាងខ្ញុំលើផ្នែកព័ត៌មាន និងផ្សព្វផ្សាយ ដូចនេះនាងខ្ញុំសុំគោរពស្នើសុំអនុញ្ញាតពីលោកជំទាវដើមី្បប្តូរពីនាយកដ្ឋានរដ្ឋបាលទូទៅទៅនាយកដ្ឋានទំនាក់ទំនងសាធារណៈ ដើមី្បបានរៀនសូត្រលើការងារព័ត៌មាន និងផ្សព្វផ្សាយ ដោយក្តីអនុគ្រោះបំផុត។ 

អាស្រ័យដូចបានគោរពជម្រាបជូនខាងលើ​  សូម​ លោកជំទាវ  មេត្តាពិនិត្យ ​ ​ និង​អនុញ្ញាតដោយក្តីអនុគ្រោះ​។

សូម​​ លោកជំទាវ​ មេត្តាទទួលនូវក្តីគោរពដ៏ខ្ពង់ខ្ពស់​ពីនាងខ្ញុំ។