បញ្ជាក់ ៖ សម្តីនេះ នាងខ្ញុំរៀបរៀងតាមសម្តីរបស់អ្នកអធិប្បាយទូរទស្សន៍ជាតិកម្ពុជា តាមរយៈវីដេអូដែលបង្ហោះលើគេហទំព័រវីដេអូ។ ប៉ុន្តែដោយសារក្នុងវីដេអូនីមួយៗហាក់ប្រើពាក្យមិនសូវដូចគ្នា, ផ្សំនាងខ្ញុំគ្មានបទពិសោធ និងមានចំណេះដឹងតិចតួចផ្នែកនេះ, នាងខ្ញុំក៏សម្រេចចិត្តរៀបរៀងបញ្ចូលគ្នា។ ហេតុដូច្នេះ មិនថាលោកអ្នកអានយកជាគំនិតក៏ដោយ យកទៅប្រើប្រាស់ក៏ដោយ សូមមេត្តាប្រុងប្រយ័ត្ន។ បើសិនជាអាច, សូមលោកអ្នកមេត្តាស្វែងរកអ្នកជំនាញ ឬអ្នកមានបទពិសោធមកកែតម្រូវជាមុនសិន ទើបជាការល្អ។
ពាក្យផ្តើម
ទូលព្រះបង្គំជាខ្ញុំ ខ្ញុំម្ចាស់ សូមក្រាបថ្វាយបង្គំ ព្រះករុណាជាអម្ចាស់ជីវិតលើត្បូង, ព្រះបាទសម្តេចព្រះបរមនាថ, ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី ព្រះវររាជមាតាជាតិខ្មែរក្នុងសេរីភាព, សេចក្តីថ្លៃថ្នូរ, និងសុភមង្គល ជាទីគោរពសក្ការៈដ៏ខ្ពង់ខ្ពស់បំផុត។
សុំគោរពជម្រាបសួរទស្សនិកជនទាំងក្នុង និងក្រៅប្រទេសដែលកំពុងតាមដានទស្សនាការផ្សាយរបស់…….ជាទីគោរព និងជាទីមេត្រី។
ជាបន្តទៅនេះ ទូលព្រះបង្គំជាខ្ញុំ ខ្ញុំម្ចាស់សូមក្រាបថ្វាយបង្គំស្តេចយាងទត និងគោរពអញ្ជើញទស្សនាព័ត៌មានព្រះរាជសកម្មភាពព្រះករុណាជាអម្ចាស់ជីវិតលើត្បូង ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រី, ព្រះវររាជមាតាជាតិខ្មែរ, ក្នុងទិដ្ឋភាពដូចតទៅ។
ពាក្យបញ្ចប់
ព្រះករុណាជាអម្ចាស់ជីវិតលើត្បូង ព្រះបាទសម្តេចព្រះបរមនាថ, ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រីព្រះវររាជមាតាជាតិខ្មែរក្នុងសេរីភាព, សេចក្តីថ្លៃថ្នូរ, និងសុភមង្គលជាទីគោរពសក្ការៈដ៏ខ្ពង់ខ្ពស់បំផុត
សម្តេច, អ្នកអង្គម្ចាស់, អ្នកអង្គម្ចាស់ក្សត្រី, ទ្រង់, ឯកឧត្តម, លោកជំទាវ, លោក, លោកស្រី ប្រិយមិត្តទូរទស្សនិកជន,
ព័ត៌មានព្រះរាជសកម្មភាពរបស់ព្រះករុណាជាអម្ចាស់ជីវិតលើត្បូង, ព្រះបាទសម្តេចព្រះបរមនាថ, ព្រះមហាក្សត្រនៃព្រះរាជាណាចក្រកម្ពុជា និងសម្តេចព្រះមហាក្សត្រីព្រះវររាជមាតាជាតិខ្មែរ ដែលស្តេចយាងទត និងទស្សនានៅពេលនេះបញ្ចប់តែប៉ុណ្ណេះ។
ទូលព្រះបង្គំជាខ្ញុំ ខ្ញុំម្ចាស់ សូមក្រាបថ្វាយបង្គំលា និងសុំជម្រាបលា៕
ស្រមោលព្រះចន្ទ្រ 