គំរូរបាយការណ៍ប្រជុំបែបថ្មី (ស្ថាប័នឯកជន-ឯកសារកែច្នៃ)

អំឡុងធ្វើការនៅស្ថាប័នរដ្ឋ ខ្ញុំបានឃើញថា ដើមី្បបានរបាយការណ៍ប្រជុំមួយត្រូវចំណាយពេលវេលាច្រើន។

កត្តាមួយដែលនាំឲ្យចាយពេលច្រើន គឺអង្គប្រជុំប្រជុំយូរ ហើយមូលហេតុដែលប្រជុំយូរ គឺដោយសារតែអ្នកចូលរួមប្រជុំនិយាយរៀបរាប់ច្រើន (ពេក)។ បន្ទាប់មក ត្រូវរកមនុស្សមកសរសេរ ហើយរបៀបសរសេរហ្នឹងក៏បែបរៀបរាប់ដែរ ដូច្នេះអាចត្រូវចាយពេលពីកន្លះថ្ងៃទៅមួយថ្ងៃដើមី្បសរសេរចប់របាយការណ៍មួយ។ រួចហើយទើបបញ្ជូនរបាយការណ៍ទៅប្រធានឲ្យពិនិត្យមើល និងកែតម្រូវ មុននឹងដាក់ជូនថ្នាក់ដឹកនាំចុះហត្ថលេខា។ បើសិនជារបាយការណ៍នេះពាក់ព័ន្ធនឹងអង្គភាពផ្សេងៗ ត្រូវបញ្ជូនទៅកាន់អង្គភាពទាំងនោះឲ្យពិនិត្យ និងផ្ទៀងផ្ទាត់សិន, ទាល់តែគ្រប់អង្គភាពឆ្លើយថា មិនមានអ្វីត្រូវកែទេ ទើបអាចដាក់ជូនថ្នាក់ដឹកនាំចុះហត្ថលេខាបាន។

ខ្ញុំធ្លាប់ធ្វើផ្នែកសរសេរ និងរៀបចំរបាយការណ៍។ ខ្ញុំសុំនិយាយតាមត្រង់ថា «ខ្ញុំហត់ និងធុញណាស់»។ មួយទៀត ខ្ញុំឃើញថា របាយការណ៍ប្រជុំ ជាទូទៅមានគោលដៅគ្រាន់តែចង់ផ្តល់ព័ត៌មានដល់អ្នកអាន (ថ្នាក់ដឹកនាំ និងអ្នកចូលប្រជុំ) និងទុកជាឯកសារផ្ទៀងផ្ទាត់ពេលមានបញ្ហាកើតឡើង។ ប៉ុន្តែចំពោះខ្ញុំ, ត្រឹមតែប៉ុណ្ណឹងមិនទាន់គ្រប់គ្រាន់ទេ។ ខ្ញុំចង់បានប្រយោជន៍ច្រើនជាងនេះពីរបាយការណ៍ប្រជុំ។ ខ្ញុំគិតយូរហើយ ហើយក៏បានដើរប្រមូលទិន្នន័យទាក់ទងនឹងរបាយការណ៍ប្រជុំទាំងរដ្ឋ, ក្រុមហ៊ុន និងអង្គការ ដើមី្បច្នៃចេញនូវទម្រង់បែបបទរបាយការណ៍ប្រជុំ៖

– ដែលចំណាយពេលតិច

– ដែលអាចដោះស្រាយបញ្ហាទាន់ពេលវេលា និងមានប្រសិទ្ធភាព

– ដែលអាចប្រើជាឯកសារសម្រាប់ផ្ទៀងផ្ទាត់ និងជាឯកសារយោងនាពេលក្រោយៗ។

ទម្រង់បែបបទរបាយការណ៍មួយនេះ ខ្ញុំគ្រោងទុកប្រើ ក្នុងក្រុមហ៊ុននៅថ្ងៃអនាគតរបស់ខ្ញុំ (បើសិនជាខ្ញុំមានសំណាងអាចបើកក្រុមហ៊ុនខ្លួនឯង)។ ខ្ញុំយកមកបង្ហាញលោកអ្នកជាគំរូ ហើយក៏ចាត់ទុកថាជាការចែករំលែកនូវព័ត៌មាន និងចំណេះដឹងទូទៅផងដែរ។ លោកអ្នកអាចយកគំរូរបស់ខ្ញុំទៅប្រើបានបើសិនជាលោកអ្នកចាប់អារម្មណ៍ តែសុំមេត្តាកែសម្រួលតាមការគួរ៕

**

**

*

It is a sample of a meeting report which I inspired from other kinds of reports to be a new style of meeting report. I plan to use it in my company (if in the future, I am lucky to have my own company). 

Because I am Cambodian, so this sample is in Khmer language.