នេះជាគំរូសម្តី MC ដែលខ្ញុំធ្លាប់បានធ្វើជា MC ក្នុងសិក្ខាសាលា អំឡុងធ្វើការនៅស្ថាប័នឯកជន។ វាជាសិក្ខាសាលារបស់សមាគម។ សម្តី MC ក្នុងកម្មវិធីស្ថាប័នឯកជនមិនសូវជាតឹងតែងខ្លាំងដូចសម្តី MC ក្នុងកម្មវិធីស្ថាប័នរដ្ឋឡើយ លើកលែងតែមានការចូលរួមពីសំណាក់មន្ត្រីជាន់ខ្ពស់មកពីស្ថាប័នរដ្ឋ ទើបត្រូវរៀបចំពាក្យសម្តីទៅតាមបែបបទស្ថាប័នរដ្ឋច្រើន។ ក្នុងគំរូសម្តី MC នេះ នាងខ្ញុំបានច្របាច់បញ្ចូលនូវរបៀបនិយាយតាមបែបស្ថាប័នរដ្ឋ និងស្ថាប័នឯកជន។ សម្តីនេះ នាងខ្ញុំតាក់តែងដោយខ្លួនឯង និងមានការត្រួតពិនិត្យ និងសម្រួលពីអ្នករៀបចំសិក្ខាសាលា។ ទោះយ៉ាងណា នៅមានការខុសឆ្គង និងចន្លោះខ្វះខាតច្រើន។ ដូច្នេះសូមលោកអ្នកមេត្តាយកទៅកែសម្រួលតាមការគួរ៕ ** ** * សិក្ខាសាលា …………………………… ថ្ងៃទី….. ខែ……… ឆ្នាំ……….. MC speech នាងខ្ញុំសូមជម្រាបសួរ។ នាងខ្ញុំឈ្មោះចរិយាជាអ្នកអធិប្បាយ និងអ្នកសម្របសម្រួលក្នុងអង្គសិក្ខាសាលា។ ជាបឋម ខ្ញុំព្រះករុណា សូមថ្វាយបង្គំព្រះថេរានុថេរៈគ្រប់ព្រះអង្គ។ នាងខ្ញុំសូមគោរព សម្តេច ទ្រង់ ឯកឧត្តម លោកជំទាវ លោក លោកស្រី លោកគ្រូ អ្នកគ្រូ សិស្សនិស្សិត ភ្ញៀវជាតិ និងអន្តរជាតិ … Continue reading គំរូសម្តី MC ក្នុងសិក្ខាសាលាស្ថាប័នឯកជន
រឿង «ខ្ញុំ និងអាប»
និពន្ធដោយ ភូ ចរិយា «វាសនាកូននេះ បើចង់បានរបស់អ្វីមួយ មិនមែនលំបាកទេ គឺវេទនាតែម្តង។ វេទនាហើយមិនបានដូចបំណងទៀត។» នេះជាអ្វីដែលគ្រូទាយបានប្រាប់ ពេលម៉ែនាំខ្ញុំទៅទាយកាលពីអាយុដប់ឆ្នាំ។ និយាយពីដូចទាយមែន។ កំពូលមហាវេទនាខ្ញុំនេះ! មិនបាច់ដល់របស់ធំទេ ត្រឹមរបស់តូចតាចក៏ដោយក៏.. ខ្ជិលនិយាយណាស់។ ឥឡូវមកដល់វគ្គចង់បានទូរស័ព្ទ។ គ្រាន់តែតម្លៃពីររយដុល្លារសោះ បីឆ្នាំហើយទិញអត់បាន។ មួម៉ៅណាស់។ «អញមិនជឿថាអញកម្សត់ដល់ថ្នាក់ហ្នឹងទេ។ លើកនេះអញត្រូវតែប្រឆាំងនឹងវាសនាឲ្យទាល់តែបាន។» ខ្ញុំប្រញាប់សុំច្បាប់មេ រួចជិះឡានឈ្នួលមកស្រុកទាំងកណ្តាលថ្ងៃត្រង់។ ពេលមកដល់ ថ្ងៃរៀបលិចហើយ។ ខ្ញុំមិនមាត់រកនរណាឡើយ ព្រោះអត់ឃើញមានអ្នកណានៅផ្ទះ (ហេស ហេស ហេស)។ ខ្ញុំឡើងជណ្តើរតាំងៗ រួចចូលទៅក្នុងបន្ទប់ម៉ែ រាវរកសោនៅក្រោមខ្នើយ។ កុំគិតចំពោះខ្ញុំក្នុងផ្លូវអាក្រក់។ សោដែលខ្ញុំកំពុងរកនេះជាសោចាក់ប្រអប់សន្សំលុយរបស់ខ្ញុំទេ។ ខ្ញុំរៀនមិនពូកែ, ប្រឡងឌីប្លូមធ្លាក់ក៏ឈប់រៀន, ហើយទៅភ្នំពេញធ្វើការជាសន្តិសុខ។ និយាយក៏បងប្អូនមិនជឿដែរ។ ខ្ញុំធ្វើការជាងប្រាំឆ្នាំហើយ កុំថាឡើយម៉ូតូ រកតែទូរស័ព្ទមួយគ្មាន។ រាល់ដង ចង់ទាក់ទងជាមួយអ្នកផ្ទះគឺពឹងទូរស័ព្ទក្រុមហ៊ុន និងទូរស័ព្ទអ្នកធ្វើការជាមួយ។ ឈប់និយាយរឿងហ្នឹងទៅ។ ពិបាកពន្យល់ណាស់។ ចង់ប្រាប់ថា ប្រអប់ហ្នឹងជាប្រអប់ក្មួយខ្ញុំបោះចោល។ ខ្ញុំឃើញវានៅល្អ, ហើយមានសោមានអី, មើលទៅទំនង, ខ្ញុំក៏រើសយកមកសម្រាប់ដាក់លុយសន្សំ។ ពេលខ្ញុំមកលេងផ្ទះ ខ្ញុំឲ្យលុយទៅម៉ែ … Continue reading រឿង «ខ្ញុំ និងអាប»
គំរូលិខិតបញ្ជាក់ប្រាក់បៀវត្ស (រដ្ឋបាលស្ថាប័នឯកជន)
កាលបរិច្ឆេទ ៖ ថ្ងៃទី... ខែ...... ឆ្នាំ...... លិខិតបញ្ជាក់បៀវត្ស សូមបញ្ជាក់ថា អ្នកនាង ....................... បានចូលបម្រើការងារនៅ ......................................... មានតួនាទីជា ................. ពីថ្ងៃទី....... ខែ.......... ឆ្នាំ.............. មកដល់បច្ចុប្បន្ន ដោយទទួលបានបៀវត្សប្រចាំខែ ចំនួន ............. ដុល្លារ (...............ដុល្លារអាម៉េរិកគត់)។ លិខិតនេះចេញឲ្យសាមីខ្លួនយកទៅប្រើប្រាស់តាមការដែលអាចប្រើប្រាស់បាន។ ប្រធានផ្នែកធនធានមនុស្ស (ឈ្មោះ) ** ** * Date : .................. TO WHOMSOEVER IT MAY CONCERN This is to certify that Ms. ............................ has been working with ....................... as ..................., from ....................... until now. Her … Continue reading គំរូលិខិតបញ្ជាក់ប្រាក់បៀវត្ស (រដ្ឋបាលស្ថាប័នឯកជន)
រកលុយដោយប្រើបទពិសោធដើរលក់ផ្ទះ
យ៉ាយ៉ា ១ : ក្រុមហ៊ុនដែលមិត្តគ្នាធ្វើការបានកាត់បន្ថយបុគ្គលិក។ ពេលនេះមិត្តគ្នាអត់ការងារធ្វើទេ។ គេធ្វើដាក់ពាក្យធ្វើការច្រើនកន្លែងហើយ តែគ្មានអ្នកទទួល។ យ៉ាយ៉ា ២ : តើមិត្តឯងធ្វើការខាងអី? យ៉ាយ៉ា ១ : គេធ្លាប់ជាបុគ្គលិកលក់ផ្ទះ, ដី និងខុនដូ។ យ៉ាយ៉ា ២ : តើគេចូលចិត្តបណ្តាញសង្គមទេ? យ៉ាយ៉ា ១ : ចូលចិត្តតើ។ គេមានគណនីសឹងតែគ្រប់បណ្តាញសង្គម។ យ៉ាយ៉ា ២ : អ៊ីចឹងអំឡុងនេះ គេអាចធ្វើវីដេអូនិយាយពីបទពិសោធរបស់គេពេលធ្វើការជាបុគ្គលិកលក់។ ឧទាហរណ៍ ជាទូទៅ តើគេលក់ផ្ទះមួយបានក្នុងរយៈពេលប៉ុន្មានថ្ងៃ? តើវិធីសាស្ត្រអ្វីដែលគេប្រើដើមី្បលក់ផ្ទះបាន? តើគេជួបបញ្ហាអ្វីខ្លះ? តើគេធ្លាប់លក់ផ្ទះមិនដាច់សោះដែរឬទេ? ហេតុអី? តើអតិថិជនចូលចិត្តសួរសំណួរអ្វីជាងគេ ហើយតើគេឆ្លើយដូចម្តេច?។ល។ ជួនកាលគេអាចរកប្រាក់តាមរយៈការធ្វើវីដេអូ។ ជួនកាលមានក្រុមហ៊ុនអចលនទ្រព្យណាមួយបានឃើញ, គេក៏ចាប់អារម្មណ៍ ហើយហៅគេទៅធ្វើការក៏អាចថាបាន។ យ៉ាយ៉ា ១ : គំនិតល្អគួរសម។ គ្នានឹងទៅប្រាប់មិត្តភក្តិគ្នា៕ ** ** * Earn money by … Continue reading រកលុយដោយប្រើបទពិសោធដើរលក់ផ្ទះ
ស្រមោលព្រះចន្ទ្រ 