កិច្ចសន្យានេះគឺជាកិច្ចសន្យាជួលបន្ទប់ក្នុងផ្ទះ………… ដែលមានទីតាំង………. ដែលធ្វើឡើងរវាង៖
ភាគី ក
ម្ចាស់ផ្ទះសំណាក់……… ឈ្មោះ………… ភេទ…… ជនជាតិ…… សញ្ជាតិ…….. អត្តសញ្ញាណប័ណ្ណលេខ………..
ជាមួយនឹងភាគី ខ
ឈ្មោះ……………………………… ឈ្មោះជាអក្សរឡាតាំង……………………… ភេទ…… ជនជាតិ……..… សញ្ជាតិ…………. អត្តសញ្ញាប័ណ្ណឬលិខិតឆ្លងដែនលេខ…………………. ថ្ងៃខែឆ្នាំកំណើត……………………… មុខរបរ……………………………… អាសយដ្ឋានបច្ចុប្បន្ន ………………………………លេខទូរស័ព្ទ……………………….. យានជំនិះ……………………………….
ជាអ្នកជួលបន្ទប់លេខ…………………. ក្នុងផ្ទះ……………………………….។
ក្រោយពីបានពិភាក្សារួមគ្នា ភាគីទាំងពីរបានព្រមព្រៀង និងឯកភាពគ្នាដូចខាងក្រោម ៖
ប្រការ ១ ៖ ភាគី «ក» បានយល់ព្រមជួលបន្ទប់លេខ…………………… ក្នុងផ្ទះល្វែងដែលមានទីតាំងខាងលើ រយៈពេល…………….. គិតចាប់ពី…………………………… ឲ្យទៅ ភាគី «ខ» ដើមី្បស្នាក់នៅ…………… ក្នុងមួយខែ តម្លៃ…………………………។
ប្រការ ២ ៖ ភាគី «ខ» យល់ស្របទាំងស្រុងតាមខ្លឹមសារនៃប្រការ ១។
ប្រការ ៣ ៖ ភាគី «ខ» ឯកភាពកក់ប្រាក់ចំនួនកន្លះខែស្មើនឹង ……… និងបង់ចំនួន …….. រៀងរាល់ដើមខែនីមួយៗ។
ប្រការ ៤ ៖ ការទូទាត់ប្រាក់
ភាគីទាំងពីរបានឯកភាពគ្នាលើតម្លៃជួលបន្ទប់ចំនួន ………….. ក្នុងមួយខែ។
ភាគី «ខ» មានកាតព្វកិច្ចបង់ប្រាកឈ្នួលបន្ទប់នៃខែទីមួយ មុនពេលចូលមកស្នាក់នៅគឺនៅថ្ងៃដែលបានផ្តល់ស្នាមមេដៃ ឬចុះហត្ថលេខាលើកិច្ចសន្យានេះ និងមានកាតព្វកិច្ចបង់ប្រាក់ឈ្នួលបន្ទប់ខែបន្ទាប់ ក្នុងចន្លោះថ្ងៃទី…… ដល់ថ្ងៃទី……. ជារៀងរាល់ខែទៅភាគី «ក» ឬតំណាងរបស់ភាគី «ក»។
ប្រការ ៥ ៖ លក្ខខណ្ឌក្នុងការជួលបន្ទប់
– មានអត្តសញ្ញាណប័ណ្ណឬប័ណ្ណសម្គាល់ខ្លួនផ្សេងៗ
– មានអាយុចាប់ពី ១៨ ឆ្នាំឡើង
– រក្សាទ្រព្យសម្បត្តិ និងវត្ថុមានតម្លៃដោយខ្លួនឯង
– រក្សាទំនាក់ទំនងល្អជាមួយម្ចាស់ផ្ទះ, តំណាងម្ចាស់ផ្ទះ និងអាជ្ញាធរមានសមត្ថកិច្ច
– ធានារក្សាសន្តិសុខ សុវត្ថិភាព និងអនាម័យនៅក្នុងបន្ទប់ និងក្នុងបរិវេណផ្ទះ
– ចូលរួមអនុវត្តនូវការតាមដានពិនិត្យសុខភាព, សារធាតុញៀនក្នុងខ្លួនតាមការកំណត់របស់ម្ចាស់ផ្ទះ
– អនុវត្តគោលការណ៍ផ្សេងៗដែលម្ចាស់ផ្ទះ និងអាជ្ញាធរបានដាក់ជូន
ប្រការ ៦ ៖ បម្រាម
– មិនអាចកែច្នៃ, ជួសជុល, សាងសង់បន្ថែមក្នុងបរិវេណបន្ទប់ និងផ្ទះដោយគ្មានការអនុញ្ញាតពីភាគី «ក» និងមិនអាចជួលបន្ទប់បន្តទៅឲ្យតតីយជនបានឡើយ
– មិនអាចយកទីតាំងបន្ទប់ប្រកបមុខរបរផ្សេងៗ
– មិនអាចយកទីតាំងបន្ទប់ធ្វើសកម្មភាពនយោបាយ ឬបម្រើគណបក្សនយោបាយ
– មិនអាចយកទីតាំងបន្ទប់បង្កើតគ្រប់កម្មវិធីជួបជុំ (ការជួបជុំពីសំណាក់បុគ្គលមកពីខាងក្រៅ)
– មិនអាចបង្កជម្លោះ, សំឡេងរំខាន ឬទង្វើណាមួយដែលបង្កការរំខានដល់អ្នកជួលបន្ទប់ផ្សេងទៀត
– មិនអាចចិញ្ចឹមសត្វ និងនាំសត្វចិញ្ចឹមគ្រប់ប្រភេទចូលក្នុងបន្ទប់ និងបរិវេណផ្ទះ
– មិនអាចរក្សាទុកនូវសម្ភារទាំងឡាយណាដែលងាយនឹងបង្កគ្រោះថ្នាក់ជាយថាហេតុ (ធុងហ្គាស, វត្ថុអាចបង្កជាអគ្គិភ័យ។ល។)
– មិនអាចចេញចូលផ្ទះក្នុងអំឡុងម៉ោង ១១ យប់ដល់ម៉ោង ៦ ព្រឹក
– មិនអាចយកអាវុធជាតិផ្ទុះ, អាវុធគ្រប់ប្រភេទចូលក្នុងបន្ទប់ និងបរិវេណផ្ទះ
– មិនអាចប្រព្រឹត្តបទល្មើសផ្សេងៗដែលច្បាប់បានកំណត់ (គ្រឿងញៀន, ពេស្យាចារ, ល្បែងស៊ីសង ។ល។)
ប្រការ ៧ ៖ ការអនុវត្តផ្សេងៗ
ភាគ «ខ» ត្រូវ៖
– បង់ថ្លៃទឹក …………………………………….. ក្នុងមួយម៉ែត្រគូប
– បង់ថ្លៃអគ្គិសនី ………………………………… ក្នុងមួយគីឡូវ៉ាត់
– បង់ថ្លៃអនាម័យ ……………………………….. ក្នុងមួយខែ
– ថែរក្សាទ្រង់ទ្រាយដើមនៃបន្ទប់, គ្រឿងសង្ហារឹម និងសម្ភារប្រើប្រាស់ក្នុងបន្ទប់
– អនុញ្ញាត និងសម្រួលដល់ភាគី «ក» ឬតំណាងភាគី «ក» ដើមី្បចូលត្រួតពិនិត្យទ្រង់ទ្រាយបន្ទប់, គ្រឿងសង្ហារឹម និងសម្ភារប្រើប្រាស់ក្នុងបន្ទប់
– ត្រូវជួសជុល ឬសងសំណងពេញថ្លៃ បើភាគ «ក» រកឃើញថាមានការខូចខាត, បាត់បង់, ឬបាត់បង់ទ្រង់ទ្រាយនៃបន្ទប់, គ្រឿងសង្ហារឹម និងសម្ភារប្រើប្រាស់ក្នុងបន្ទប់។
ប្រការ ៨ ៖ ការបញ្ចប់កិច្ចសន្យាតាមពេលកំណត់
– កិច្ចសន្យាជួលបន្ទប់នេះនឹងត្រូវចប់ដោយស្វ័យប្រវត្តិនៅ……………..
– កិច្ចសន្យាជួលបន្ទប់នេះនឹងត្រូវលើកយកមកពិភាក្សាឡើងវិញថាត្រូវបន្តឬបញ្ឈប់ អាស្រ័យលើឆន្ទៈរបស់ភាគីទាំងពីរនៅពេលចប់កិច្ចសន្យា ឬមុនពេលចប់កិច្ចសន្យា
– ប្រាក់តម្កល់ដូចមានចែងក្នុងប្រការ ៣ ត្រូវបង្វិលជូនភាគី «ខ» វិញគ្រប់ចំនួន
– ភាគី «ខ» មានសិទ្ធិធ្វើការរើរុះនូវគ្រឿងសង្ហារិម, គ្រឿងលម្អ, សម្ភារប្រើប្រាស់ដែលបានបំពាក់ដោយភាគី «ខ»។ ប៉ុន្តែឧបករណ៍ណាដែលរុះរើទៅបណ្តាលឲ្យខូចខាតទ្រង់ទ្រាយសំណង់ ភាគី «ខ» ត្រូវទទួលខុសត្រូវជួសជុលសំណង់ជូនភាគី «ក» វិញ។
ប្រការ ៩ ៖ ការបញ្ចប់កិច្ចសន្យាមុនពេលកំណត់
– ភាគី «ខ» អាចបញ្ឈប់កិច្ចសន្យាជួលបន្ទប់នេះមុនពេលកំណត់បានដោយគ្រាន់តែធ្វើការជូនដំណឹងមកភាគី «ក» ដោយផ្ទាល់មាត់ ឬជាលាយលក្ខណ៍អក្សរមានស្នាមមេដៃមុនរយៈពេល ១ ខែ (មួយខែគត់)។ ក្នុងករណីនេះ ប្រាក់តម្កល់ក្នុងប្រការ ៣ នឹងត្រូវបានជាប្រយោជន៍របស់ភាគី «ក»។
– ភាគី «ក» មានសិទ្ធិបញ្ឈប់កិច្ចសន្យានេះបាន ដោយត្រូវជូនដំណឹងជាលាយលក្ខណ៍អក្សរមានស្នាមមេដៃភាគី «ខ» រយៈពេល ១ ខែ (មួយខែគត់) មុន។ ក្នុងករណីនេះ ភាគី «ក» ត្រូវប្រគល់ប្រាក់កក់ក្នុងប្រការ ៣ ទៅភាគី «ខ» វិញ ចំនួនមួយគុណនឹងពីរ។
– ភាគី «ក» អាចបញ្ចប់កិច្ចសន្យានេះភ្លាមៗប្រសិនបើរកឃើញថា ភាគី «ខ» ពុំបានអនុវត្តនូវចំណុចណាមួយដែលមានចែងក្នុងប្រការ ៤, ប្រការ ៥, ប្រការ ៦ និងប្រការ ៧ ក្នុងកិច្ចសន្យានេះ។ ករណីនេះប្រាក់តម្កល់ក្នុងប្រការ ៣ នឹងត្រូវបានជាប្រយោជន៍ទៅភាគី «ក»។
– កិច្ចសន្យាជួលបន្ទប់នេះនឹងត្រូវចប់ដោយស្វ័យប្រវត្តិក្នុងករណីអវត្តមានរបស់ភាគី «ខ»។ ករណីនេះ ប្រាក់តម្កល់ក្នុងប្រការ ៣ នឹងត្រូវបានជាប្រយោជន៍ទៅភាគី «ក»។
កិច្ចសន្យាជួលបន្ទប់នេះធ្វើឡើងជាលាយលក្ខណ៍អក្សរមានចំនួន ២ ច្បាប់ (ពីរច្បាប់គត់) ជាភាសាខ្មែរ ដែលមានតម្លៃស្មើគ្នា ហើយរក្សាទុកនៅភាគីទាំងពីរ ម្នាក់ចំនួន ១ ច្បាប់ (មួយច្បាប់គត់)។
ស្រមោលព្រះចន្ទ្រ 