CV ជាភាសាខ្មែរហៅថា ប្រវត្តិរូបសង្ខេប។ ជាទូទៅ CV មានតែជាភាសាអង់គ្លេស ដោយឡែកប្រវតិ្តរូបសង្ខេបដែលជា CV ភាសាខ្មែរប្រើតែនៅពេលដាក់ពាក្យចូលធ្វើការស្ថាប័នរដ្ឋ ឬដាក់ពាក្យចូលរៀនសាកលវិទ្យាល័យរដ្ឋ។ ប៉ុន្តែខ្ញុំគិតថាវាមិនខុសទេ បើសិនជាមាន CV ជាភាសាខ្មែរ សម្រាប់ប្រើដាក់ពាក្យចួលធ្វើការស្ថាប័នឯកជន ឬពាក្យចូលរៀនសាកលវិទ្យាល័យឯកជន។ ហេតុដូច្នេះ ទើបខ្ញុំបកប្រែ និងសម្រួល CV ពីភាសាអង់គ្លេសមកភាសាខ្មែរ ដូចដែលលោកអ្នកបានឃើញក្នុងគំរូខាងក្រោម។ ទោះយ៉ាងណា គំរូ CV នេះមិនល្អ និងត្រឹមត្រូវឥតខ្ចោះឡើយ ហើយក៏មិនទាន់មានទម្ងន់ និងការទទួលជាផ្លូវការដែរ។ ហេតុនេះ សូមលោកអ្នកមេត្តាពិចារណាមុននឹងយកទៅប្រើ និងសូមប្រើប្រាស់តាមការគួរ៕ ** * CV sample in Khmer language In general, CV is written in English. However, I don’t think it is wrong to have … Continue reading គំរូ CV ជាភាសាខ្មែរ
Tag: shadow of the moon
រឿង «សណ្ឋាគារបាតាល»
និពន្ធដោយ ភូ ចរិយា ប៉ុក! លោកគ្រុយទម្លាក់សារព័ត៌មានទៅលើតុ បន្ទាប់មកក៏ក្រោកពីកៅអីទៅឈរនៅបង្អួចកញ្ចក់ សម្លឹងទៅខាងក្រៅដោយក្រសែភ្នែកបារម្ភ និងតានតឹង។ រឿងបាត់ខ្លួនរបស់ឧត្តមសេនីយ៍គឹមសែតមិនមែនលំៗទេ គ្រាន់តែគ្មាននរណាដឹងច្បាស់ពីចេតនារបស់ជនដៃដល់។ មកដល់ថ្ងៃនេះគឺគម្រប់ប្រាំថ្ងៃហើយ។ គ្មានតម្រុយសោះអំពីខ្លួនលោក ហើយអ្នកចាប់ខ្លួនលោកក៏មិនឃើញទាក់ទងមកដែរ។ នេះជាបញ្ហាចោទដ៏ធំមួយ។ បន្ថែមលើនេះ អ្នកសារព័ត៌មានតាមស៊ើបសួរមិនឈប់ ធ្វើឲ្យរឿងកាន់តែធំឡើង បង្កជាភាពចលាចលនៅក្នុងសង្គម។ ប្រជាជននាំគ្នាខ្សឹបខ្សៀវពីការបាត់ខ្លួនរបស់ សមាជិកថ្នាក់ដឹកនាំជាន់ខ្ពស់ ហើយក៏មានពាក្យចចាមអារ៉ាម និងការវិភាគលើបណ្តាញសង្គមធ្វើឲ្យសង្គមកាន់តែជ្រួលច្របល់។ ដើមី្បទប់មួយគ្រា ថ្នាក់ដឹកនាំ និងគ្រួសាររបស់លោកឧត្តមសេនីយ៍ក៏សម្រេចចិត្ត បកស្រាយថា លោកគឹមសែតមានបញ្ហាសុខភាព ត្រូវការសម្រាកមួយរយៈ ទើបធ្វើឲ្យស្ថានការណ៍រាងធូរស្បើយ។ ទោះយ៉ាងណា សារព័ត៌មាននៅតែមិនទាន់បញ្ឈប់ការរុកឆ្កឹះនោះទេ។ ដូច្នេះហើយ លោកគ្រុយ ប្រធានភ្នាក់ងារចារកម្មប្រចាំប្រទេស ត្រូវបានថ្នាក់ដឹកនាំដាក់កំហិតឲ្យ ដោះស្រាយបញ្ហានេះ ក្នុងរយៈពេលមួយសប្តាហ៍។ កិច្ចការនេះដូចរាវម្ជុលក្នុងមហាសមុទ្រ។ ពិតជាស្មុគស្មាញណាស់។ ក្នុងវេលាដ៏មហាអំពល់នេះ មានតែមនុស្សម្នាក់ប៉ុណ្ណោះ ដែលអាចដោះស្រាយរឿងនេះបាន។ នោះគឺ អគ្នេយ៍ ០០៦។ គេជាចារបុរសជាតិ ព្រមជាមួយនឹងគុណសម្បត្តិ និងសមត្ថភាពយ៉ាងអស្ចារ្យ។ គ្រប់បេសកកម្មដែលប្រគល់ឲ្យគេ គ្មានឡើយពាក្យថាអបរាជ័យ។ អគ្នេយ៍ ០០៦ ជាទីសង្ឃឹមចុងក្រោយរបស់លោក។ លោកគ្រុយបានទាក់ទងទៅនាយរួចហើយ ហើយក៏ប្រាកដចិត្តថា … Continue reading រឿង «សណ្ឋាគារបាតាល»
គំរូលិខិតអនុញ្ញាតឲ្យបោះពុម្ពចម្រៀងជាសៀវភៅ
បញ្ជាក់៖ នេះជាការប្រតិដ្ឋ និងតាក់តែងឡើងដោយស្រមោលព្រះចន្ទ្រ ដើមី្បជាជំនួយ និងគំនិតដល់លោកអ្នកតែប៉ុណ្ណោះ។មិនមែនជាលិខិតផ្លូវការឬតាមផ្លូវច្បាប់ឡើយ។ លិខិតអនុញ្ញាតឲ្យបោះពុម្ពចម្រៀង នាងខ្ញុំ (ខ្ញុំបាទ) .......................... ជាអ្នកនិពន្ធចម្រៀងដែលមានចំណងជើងថា «.............» យល់ព្រមអនុញ្ញាតឲ្យលោកស្រី (លោក) .............................. ម្ចាស់ ........................................... បោះពុម្ពផ្សាយចម្រៀង «.............» ជាសៀវភៅ នៅក្នុងរយៈពេល ........... និងចំនួន...........។ ថ្ងៃ.............. ទី....... ខែ...... ឆ្នាំ............. ហត្ថលេខា
គំរូរបៀបវារៈកម្មវិធីសំណេះសំណាលផ្ទៃក្នុងស្ថាប័នរដ្ឋ
ពេលថ្នាក់ដឹកនាំជាន់ខ្ពស់ជួបជាមួយនឹងមន្ត្រីបុគ្គលិកគ្រប់ជាន់ថ្នាក់របស់ស្ថាប័ន ជាទូទៅគេហៅថា កម្មវិធីសំណេះសំណាល។ ជាធម្មតា គេមិនរៀបចំអ្វីធំដុំទេ ដោយសារតែវាជាកម្មវិធីផ្ទៃក្នុង ប៉ុន្តែគេនៅតែមានរបៀបវារៈ ដែលលោកអ្នកអាចមើលគំរូខាងក្រោមសម្រាប់ជាគំនិតបាន។ ទោះយ៉ាងណា សូមកុំភ្លេចកែសម្រួលផង។ ** ** * កម្មវិធីសំណេះសំណាលជាមួយថ្នាក់ដឹកនាំ មន្ត្រីនិងបុគ្គលិក............... ក្រោមអធិបតីភាព .............................................. ថ្ងៃ........................... វេលាម៉ោង........................ បន្ទប់ប្រជុំ.................... ល-រកម្មវិធីថេរវេលា១ប្រកាសហេតុ២ នាទី២ការណែនាំខ្លួនរបស់....., ......., ប្រធាននាយកដ្ឋាន និងអនុប្រធាននាយកដ្ឋាននៃ...........៥ នាទី៣របាយការណ៍របស់....... ស្តីពី........................១០ នាទី៤អនុសាសន៍របស់................................ ចប់កម្មវិធី
ស្រមោលព្រះចន្ទ្រ 