គំរូកិច្ចសន្យាសម្រាប់មន្ត្រីជាប់កិច្ចសន្យា ជាកិច្ចសន្យារវាងស្ថាប័នរដ្ឋ និងអ្នកដែលត្រូវចូលមកធ្វើជាមន្ត្រីកិច្ចសន្យាតែប៉ុណ្ណោះ។ ចំពោះអ្នកដែលបានប្រឡងជាប់ជាមន្ត្រីស្ថាពរ, មានបែបបទកិច្ចសន្យាផ្សេង។ មួយទៀត, គំរូមួយនេះប្រើប្រាស់ក្នុងស្ថាប័នរដ្ឋត្រូវជាង។ បើសិនយកទៅប្រើក្នុងរដ្ឋបាលស្ថាប័នឯកជន ដូចជាអង្គការជាដើម ទាមទារឲ្យកែសម្រួលចំណុចជាច្រើន៕ អត្ថបទពាក់ព័ន្ធនឹងប្រធានបទ ៖ គំរូកិច្ចសន្យាការងារសម្រាប់មន្ត្រីជាប់កិច្ចសន្យា
Tag: ឯកសាររដ្ឋបាល
គំរូ Cover Letter ដាក់ពាក្យធ្វើការជាបុគ្គលិករដ្ឋបាល (សម្រាប់អ្នកគ្មានបទពិសោធការងារ)
សូមគោរពលោកឬលោកស្រី, នាងខ្ញុំសូមថ្លែងអំណរគុណដែលបានផ្តល់ឱកាសឲ្យនាងខ្ញុំបានដាក់ពាក្យចូលធ្វើការជា ‘បុគ្គលិករដ្ឋបាល’ នៅក្រុមហ៊ុនរបស់លោកឬលោកស្រី។ នាងខ្ញុំជឿថា បន្ទាប់ពីលោកឬលោកស្រីបានអានប្រវត្តិរូបសង្ខេបរបស់នាងខ្ញុំរួចហើយ លោកឬលោកស្រីប្រាកដជាខកចិត្ត ដោយសារតែនាងខ្ញុំគ្មានបទពិសោធការងារ ក៏ដូចជាមិនបានសិក្សាទាក់ទងនឹងជំនាញរដ្ឋបាលនេះ។ នាងខ្ញុំដឹងថា គុណសម្បត្តិរបស់នាងខ្ញុំមិនគ្រប់គ្រាន់ តែនាងខ្ញុំសុំឲ្យលោកឬលោកស្រីផ្តល់ឱកាសឲ្យនាងខ្ញុំបានជាប់ក្នុងបញ្ជីសម្ភាស ដើមី្បឲ្យនាងខ្ញុំបានប្រាស្រ័យជាមួយលោកឬលោកស្រីដោយផ្ទាល់ ពីមូលហេតុដែលនាងខ្ញុំដាក់ពាក្យចូលធ្វើការមុខតំណែងនេះ និងថាតើនាងខ្ញុំនឹងផ្តល់ឲ្យផ្នែករដ្ឋបាលរបស់ក្រុមហ៊ុនលោកឬលោកស្រីនូវសមិទ្ធផលការងារដ៏ប្រសើរយ៉ាងដូចម្តេច ប្រសិនបើខ្ញុំបានជាប់តំណែងនេះ។ នាងខ្ញុំជឿជាក់ថា លោកឬលោកស្រីនឹងផ្តល់ឱកាសមួយនេះមកឲ្យនាងខ្ញុំ ហើយនាងខ្ញុំរង់ចាំការឆ្លើយតបពីលោកឬលោកស្រី។ ដោយក្តីគោរព (ឈ្មោះ)
គំរូសំណើសុំបង់ថ្លៃសិក្សាជាដំណាក់កាល
គំរូសំណើនេះសម្រាប់៖ ១. និស្សិតសិក្សាបង់ថ្លៃនៅសាកលវិទ្យាល័យ ដែលមានការលំបាកផ្នែកហិរញ្ញវត្ថុ និងមិនអាចបង់ថ្លៃសិក្សាតាមកាលកំណត់ និងតាមចំនួនកំណត់របស់សាកលវិទ្យាល័យ ២. និស្សិតរូបនោះបានជួបជាមួយសាកលវិទ្យាល័យ និងបានសុំសាកលវិទ្យាល័យ ហើយសាកលវិទ្យាល័យបានយល់ព្រមតាមសំណើ ៣. សាកលវិទ្យាល័យមិនមានបែបបទសំណើ ហើយតម្រូវឲ្យនិស្សិតធ្វើសំណើសុំដោយខ្លួនឯង ឲ្យតែមានគ្រប់បីចំណុចនេះ នោះលោកអ្នកដែលជានិស្សិតអាចប្រើប្រាស់គំរូសំណើនេះបាន តែក៏សុំឲ្យលោកអ្នកមេត្តាយកទៅកែសម្រួលតាមការគួរផងដែរ។ ** * សំណើសុំបង់ថ្លៃសិក្សាប្រចាំឆ្នាំ...... ជាដំណាក់កាល នាងខ្ញុំឈ្មោះ........................................... ជាអក្សរឡាតាំង........................... ជានិស្សិតមុខជំនាញ.......................................................... ឆ្នាំទី...... វេន............... អត្តលេខ................... នៅសាកលវិទ្យាល័យ...................... ឆ្នាំសិក្សា........................។ សូមគោរពជូន លោកនាយកសាកលវិទ្យា័យ........................ កម្មវត្ថុ ៖ សំណើសុំបង់ថ្លៃសិក្សាប្រចាំឆ្នាំ........ រយៈពេលបីខែម្តង សេចក្តីដូចដែលបានជម្រាបជូនក្នុងកម្មវត្ថុខាងលើ នាងខ្ញុំសូមជម្រាបជូនលោកនាយកមេត្តាជ្រាបថា នាងខ្ញុំត្រូវបង់ថ្លៃសិក្សាប្រចាំឆ្នាំ....... មានចំនួន...................។ ប៉ុន្តែដោយសារតែនាងខ្ញុំខ្វះខាតថវិកា នាំឲ្យមិនអាចបង់ថ្លៃសិក្សាទាំងស្រុងបាន ហេតុនេះនាងខ្ញុំសូមគោរពស្នើសុំលោកនាយកអនុញ្ញាតឲ្យនាងខ្ញុំបង់ថ្លៃសិក្សាបីខែម្តង ក្នុងចំនួន............។ អាស្រ័យដូចបានជម្រាបជូនខាងលើ សូមលោកនាយកមេត្តាជួយសម្រួលដល់នាងខ្ញុំដោយក្តីអនុគ្រោះ។ សូមលោកនាយកទទួលនូវការគោរពពីនាងខ្ញុំ។ ថ្ងៃ........កើត ខែ.... ឆ្នាំ........ ព.ស. .......... … Continue reading គំរូសំណើសុំបង់ថ្លៃសិក្សាជាដំណាក់កាល
តើក្នុង CV ជាភាសាខ្មែរគួរដាក់បាវចនាជាតិឬទេ?
Curriculum Vitae (CV) ឬហៅជាភាសាខ្មែរថា ប្រវត្តិរូបសង្ខេប ដែលខ្លួនលោកអ្នកធ្វើដើម្បីដាក់ពាក្យសុំធ្វើការ មិនអាចដាក់បាវចនាជាតិទេ មិនថាលោកអ្នកដាក់ពាក្យសុំធ្វើការនៅស្ថាប័នរដ្ឋ ឬស្ថាប័នឯកជនក៏ដោយ។ ទោះជាក្រដាសបែបបទរៀបរៀងដោយស្ថាប័នឯកជនសម្រាប់ឲ្យអ្នកចង់ដាក់ពាក្យធ្វើការបំពេញក៏ដោយ ក៏មិនអាចដាក់បាវចនាជាតិដែរ។ មានតែបែបបទប្រវត្តិរូបសង្ខេប ដែលរៀបចំដោយស្ថាប័នរដ្ឋ សម្រាប់ឲ្យអ្នកដាក់ពាក្យចូលបម្រើការងាររដ្ឋ ទើបអាចដាក់បាវចនាជាតិលើក្រដាសបែបបទបាន។ ហេតុអ្វី? នេះជារបៀបរបប និងបែបបទរដ្ឋបាលរបស់ស្ថាប័នរដ្ឋក្នុងប្រទេសកម្ពុជា។ ស្ថាប័នដែលអាចប្រើបាវចនាជាតិលើឯកសារបាន មានតែស្ថាប័នរដ្ឋ។ ចំណែកឯកសាររបស់ស្ថាប័នឯកជនដែលអាចដាក់បាវចនាជាតិ លុះណាតែជាប្រភេទឯកសារដែលត្រូវឆ្លងកាត់អាជ្ញាធរ ឬជាបែបបទតម្រូវការពីខាងរដ្ឋ៕
ស្រមោលព្រះចន្ទ្រ 