វិធីបង្កើតចំណងជើងវីដេអូពាណិជ្ជកម្ម

ចង់ទាក់ទាញអតិថិជនឲ្យអានគ្រោងឆ្អឹង TVC នោះត្រូវប្រើចំណងជើងដែលទាក់ទាញ។ ទាល់តែចំណងជើងទាក់ទាញ, ទាក់ឲ្យអតិថិជនអានគ្រោងឆ្អឹង TVC ទើបអាចហៅចំណងជើងនោះថាជាចំណងជើងល្អ។

ដើមី្បបង្កើតចំណងជើង TVC ល្អមួយ គឺអាចធ្វើតាមក្បួនដូចខាងក្រោម៖

ប្រវែង និងពាក្យ

– ចំណងជើងមិនគួរវែងពេក

– គួរប្រើពាក្យចន្លោះពី ២ ទៅ ៦ ឬ ៨ ពាក្យ

– ប្រើពាក្យសាមញ្ញ, ងាយយល់ និងជាពាក្យដែលប្រើប្រាស់ក្នុងជីវិតសព្វថ្ងៃ

ការកំណត់ចំនួនពាក្យក្នុងចំណងជើងទៅតាមថេរវេលា

– TVC ក្រោម ១០ វិនាទី ប្រើចំណងជើងដែលមាន ២ ទៅ ៣ ពាក្យ

– TVC ពី ១១ ទៅ ២០ វិនាទី ប្រើចំណងជើងដែលមាន ៤ ពាក្យ

– TVC ពី ២០ ទៅ ៣០ វិនាទី ប្រើចំណងជើងដែលមាន ៦ ពាក្យ

– TVC លើសពី ៣០ វិនាទី ប្រើចំណងជើងដែលមាន ៦ ទៅ ៨ ពាក្យ

ការប្រើថ្នាក់ពាក្យ

– បើចំណងជើងមាន ២ ពាក្យ, ទាំងពីរពាក្យនោះគួរតែជានាមដូចគ្នា

– បើចំណងជើងមាន ៣ ពាក្យ, គួរប្រើនាមលាយជាមួយគុណនាម

– បើចំណងជើងមាន ៤ ពាក្យ, គួរប្រើលាយរវាងកិរិយាស័ព្ទ, នាម, គុណនាមឬគុណកិរិយា

– បើចំណងជើងលើសពី ៤ ពាក្យ, គួរប្រើលាយរវាងកិរិយាស័ព្ទ, នាម, គុណនាម និងគុណកិរិយា៕