វិក្កយបត្រ ជាភាសាអង់គ្លេសហៅថា Invoice។
បង្កាន់ដៃបង់ប្រាក់ ជាភាសាអង់គ្លេសហៅថា Receipt។
ទាំងពីរនេះមានតួនាទីខុសគ្នា។
ឧទាហរណ៍ គ្រឹះស្ថានបោះពុម្ពផ្សាយសៀវភៅ ក មានសៀវភៅ ១០ ចំណងជើង។ អង្គការ ខ បានបញ្ជាទិញសៀវភៅទាំង ១០ ចំណងជើងនោះ ដោយក្នុងមួយចំណងជើងយក ១០ ក្បាល សរុប ១០០ ក្បាល។
នៅពេលបញ្ជូនសៀវភៅទៅដល់ទីតាំងរបស់ ខ, ក ត្រូវយកវិក្កយបត្រ (invoice) ទៅឲ្យ ខ ដើមី្បទូទាត់លុយ។ បន្ទាប់ពីទទួលបានលុយពី ខ ហើយ, ក ត្រូវចេញបង្កាន់ដៃបង់ប្រាក់ (receipt) ទៅឲ្យ ខ ដើមី្បបញ្ជាក់ថាខ្លួនបានទទួលលុយពី ខ ថ្លៃសៀវភៅ ១០០ ក្បាលនេះរួចហើយ។
នេះជាដំណើរការប្រើប្រាស់វិក្កយបត្រ និងបង្កាន់ដៃបង់ប្រាក់។ មិនថាអាជីវករខ្នាតតូច, មធ្យម ឬធំទេ គួរយល់ដឹងពីចំណុចនេះ ព្រោះទីមួយ ដើមី្បជួយដល់ការគ្រប់គ្រងអាជីវកម្ម និងទីពីរ ទាក់ទងនឹងការបង់ពន្ធផងដែរ៕
ស្រមោលព្រះចន្ទ្រ 