គំរូសារអេឡិចត្រូនិចសួរសំណួរទៅកាន់អ្នករៀបចំកម្មវិធី (ស្ថាប័នឯកជន)

ដើម្បីឲ្យងាយស្រួលយល់ ខ្ញុំសូមយកសារអេឡិចត្រូនិចអញ្ជើញចូលរួមប្រជុំនៅអត្ថបទមុន៖

Subject : លិខិតអញ្ជើញចូលរួមប្រជុំនៅថ្ងៃទី… ខែ… ឆ្នាំ…..

(ឈ្មោះស្ថាប័ន) សូមគោរពអញ្ជើញ លោក, លោកស្រី, នាងកញ្ញា ដែលជាម្ចាស់គ្រឹះស្ថានបោះពុម្ពផ្សាយ, រោងពុម្ព​, បណ្ណាគារ និងជាអ្នកនិពន្ធ ចូលរួមប្រជុំស្តីពី ……………………………. នៅថ្ងៃ…….. ទី….. ខែ….. ឆ្នាំ…… នៅ (ទីតាំង) វេលាម៉ោង…………។

ដោយក្តីគោរព

(ឈ្មោះ)

សម្រាប់ព័ត៌មានបន្ថែម សូមទាក់ទងតាមទូរសព័្ទលេខ ៖ ……….. ឬសារអេឡិចត្រូនិច ៖………………………..

ហើយខាងក្រោមនេះ ជាគំរូសំណួរដែលលោកអ្នកគួរសួរ, តាមសារអេឡិចត្រូនិច, ទៅកាន់អ្នករៀបចំកម្មវិធី៖

Subject : សំណួរទាក់ទងនឹងការប្រជុំនៅថ្ងៃទី… ខែ… ឆ្នាំ…..

ខ្ញុំបានទទួលសាររបស់ (ឈ្មោះស្ថាប័ន) អញ្ជើញចូលរួមប្រជុំស្តីពី…… នៅថ្ងៃ…… ទី….. ខែ…. ឆ្នាំ….. នៅ (ទីតាំង)…… វេលាម៉ោង……។

ខ្ញុំមានសំណួរខ្លះៗ៖

១. តើការចូលរួមប្រជុំនេះតម្រូវឲ្យបង់ប្រាក់ឬទេ? បើសិនជាបង់, តើថ្លៃប៉ុន្មាន?

២. តើប្រជុំនេះនឹងធ្វើប៉ុន្មានម៉ោង? តើមានផ្តល់អាហារ (ថ្ងៃត្រង់) ដែរឬទេ?

៣. តើមានទីតាំងចតយានយន្តដែរឬទេ?

សូមអរគុណទុកជាមុនចំពោះការឆ្លើយតប។

ដោយក្តីរាប់អាន

(ឈ្មោះ)