ប្រធានបទ ៖ ការសិក្សាសង្កេតលើក្បួនទីផ្សារដែលប្រើការចូលរួមពិធីតាំងពិព័រណ៍ជាយុទ្ធសាស្ត្រទីផ្សារ ប្រភេទ ៖ អនុវត្តន៍ផ្ទាល់ខ្លួន ស្ថានភាព ៖ សង្កេត និងឈ្វេងយល់ របាយការណ៍ការសិក្សា ១. ការរៀបចំ និងតុបតែង - ស្អាត និងអនាម័យ - មានសណ្តាប់ធ្នាប់ - មានសម្រស់ និងភាពទាក់ទាញ (ប្រើអំពូលភ្លើង ឬរបស់ផ្សេងៗមកតុបតែងជាមួយ) ២. ការផ្តល់ព័ត៌មាន - មានបុគ្គលិកប្រចាំការ ដើមី្បឆ្លើយតបសំណួរ និងផ្តល់ព័ត៌មានដល់អតិថិជន - មានស្លាកសញ្ញាក្រុមហ៊ុនដែលអាចឲ្យអតិថិជនក្រឡេកឃើញ ដោយមិនបាច់សួរបុគ្គលិកថា ក្រុមហ៊ុនឈ្មោះអ្វី ៣. ការបន្ថែមទម្ងន់នៃភាពជឿជាក់ - មានទីតាំង (នៅលើដី) - មានគេហទំព័រ និងគណនីបណ្តាញសង្គម ៤. ភាពមិនកំណាញ់ - ជូនអតិថិជននូវរបស់តូចតាច (តាមការសុំរបស់អតិថិជន) - វេចខ្ចប់របស់ដែលសុំនោះឲ្យអតិថិជនយ៉ាងល្អ ការសន្និដ្ឋាន និងសរុប ការចូលរួមពិធីតាំងពិព័រណ៍ជាយុទ្ធសាស្ត្រទីផ្សារមួយ ដែលអាចជួយលើកតម្កើង និងផ្សព្វផ្សាយមុខរបរបាន ប៉ុន្តែត្រូវការវិធីសាស្ត្រដែលសមប្រកប៕ … Continue reading របាយការណ៍សិក្សាពីការប្រើការចូលរួមតាំងពិព័រណ៍ជាយុទ្ធសាស្ត្រទីផ្សារ
Tag: yaya idea
រឿង «អគារពីរជាន់»
និពន្ធដោយ ភូ ចរិយា សាលារៀនមួយត្រូវបានបោះបង់ចោល ដោយសារតែអគារមួយខ្នងដែលមានកម្ពស់ពីរជាន់។ មានហេតុការណ៍ជាច្រើនបានកើតឡើងនៅអគារមួយនោះ តាំងពីថ្ងៃចាប់ផ្តើមសាងសង់រហូតដល់សាងសង់រួច។ អំឡុងបុកគ្រឹះអគារ, កម្មករម្នាក់ស្រាប់តែនៅសុខៗរត់ទៅចងកសម្លាប់ខ្លួន។ ពេលសាងសង់បានពាក់កណ្តាល, ក្បឿងដំបូលមួយបន្ទះបានជ្រុះចុះមកត្រូវមេការសាងសង់ស្លាប់ភ្លាមៗនៅនឹងកន្លែង។ មុនថ្ងៃសម្ពោធពីរថ្ងៃ, សន្តិសុខរបស់សាលាម្នាក់លោតសម្លាប់ខ្លួនពីជាន់ទីពីរ។ ក្រោយមក ក៏មានសិស្សស្រីម្នាក់ចូលទៅចងកសម្លាប់ខ្លួនក្នុងបន្ទប់ទឹកនៅជាន់ក្រោម។ បន្ទាប់ពីនោះមក តែងមានរឿងចម្លែកៗកើតឡើងដូចជា៖ ពេលកំពុងតែរៀន ស្រាប់តែឮសំឡេងហ៊ឺៗពីមាត់បង្អួច ដែលសំឡេងនេះ ទាំងគ្រូ និងសិស្សឮទាំងអស់គ្នា។ ពេលសិស្សកំពុងតែរៀន ក៏មានដុំសក់ជ្រុះពីពិតានមកលើតុរបស់ពួកគេ។ ពេលសិស្សស្រីៗចូលទៅបន្ទប់ទឹក ពួកគេតែងតែឃើញស្រីម្នាក់ស្លៀកសម្លៀកបំពាក់សិស្សឈរនៅកៀនជញ្ជាំង។ ឃើញតែមួយភ្លែត រួចក៏បាត់វិញ។ នាពេលរសៀល មានគ្រូ និងសិស្សមួយចំនួនធ្លាប់ឃើញប្រុសម្នាក់ដើរតាមរបៀងដោយផ្អៀងក្បាលទៅម្ខាង។ សូមី្បតែនាយកសាលាក៏ធ្លាប់ជួបដែរ។ ពេលល្ងាចមួយ គាត់ដើរទៅរកម៉ូតូដែលចតនៅមុខទីចាត់ការ ស្រាប់តែឃើញប្រុសម្នាក់អង្គុយលើមែកដើមស្វាយដែលដុះនៅទល់មុខនោះ។ ពេលគាត់ងើយមុខខំរកមើល ដោយខ្លាចថាសិស្សឡើងទៅលេងហើយជាប់លើនោះ តែរកមិនឃើញ មិនដឹងបាត់ទៅណា។ គ្រាន់តែប៉ុណ្ណឹង គ្រប់គ្នាដឹងបាត់ហើយថាមានខ្មោចលង ប៉ុន្តែម្នាក់ៗមិនសូវអើពើ ព្រោះលងតែពីរបីថ្នាក់។ ក្រោយមក លងគ្រប់ថ្នាក់ និងរបៀបលងកាន់តែសាហាវឡើងៗ ទើបនាយកសាលាសម្រេចឲ្យឈប់រៀននៅអគារនោះ។ គ្រប់គ្នាគិតថាលែងអីហើយ។ មានឯណា, តាមលងមកដល់អគារផ្សេងៗ សូមី្បតែទីចាត់ការក៏មិនលើកលែងដែរ ហើយទោះបីខំនិមន្តព្រះសង្ឃមកស្រោចទឹក ក៏នៅតែមិនបាត់។ ចុងក្រោយ នាយកសាលា … Continue reading រឿង «អគារពីរជាន់»
បូរ៉ាទីណូ លេខ ១
ពេលរំឭកដល់កាលរៀននៅបឋមសិក្សា ខ្ញុំសប្បាយចិត្ត។ មិនមែនដោយសារតែខ្ញុំរស់នៅស្រួលទេ, តែដោយសារតែខ្ញុំគ្រាន់តែជាកូនក្មេងម្នាក់។ ជីវិតជាកូនក្មេង, មិនថារបៀបរស់នៅ និងរបៀបគិតគឺសាមញ្ញណាស់។ ប៉ុន្តែភាពរីករាយត្រូវបានបាត់បង់បន្តិចម្តងៗ។ មិនមែនព្រោះតែកើនវ័យទេ តែព្រោះតែមនុស្សចាស់យកភាពស្មុគស្មាញដែលពួកគាត់ចម្លងតាមគ្នា និងធ្វើតាមគ្នារាប់រយជំនាន់មកផ្ទុកក្នុងខួរក្បាលរបស់ក្មេង។ ហេតុដូច្នេះហើយទើបខ្ញុំបង្កើតឯកសារនេះឡើង ដើមី្បរំឭកឡើងវិញនូវជីវភាពដែលគ្មានទុក្ខព្រួយរបស់ខ្ញុំ។ ទាំងអត្ថបទទាំងរូបភាពទាំងការរចនាគឺគំនិតរបស់ខ្ញុំផ្ទាល់ ហើយគ្រប់យ៉ាងដែលមានក្នុងឯកសារនេះ គឺខ្ញុំចង់ផ្តោតលើពាក្យថា «ក្មេង»។ ជាក្មេង ធ្វើអ្វីក៏មិនស្អាតមិនល្អដែរ ថែមទាំងមិនមានសណ្តាប់ធ្នាប់, នឹកឃើញអ្វីក៏ធ្វើនោះ, ចិត្តចង់និយាយអ្វី ក៏និយាយនោះ។ នោះហើយគឺជាក្មេង។ ចំពោះការចេញផ្សាយសាកល្បងលើកទីមួយនេះ អត្ថបទក្នុងបូរ៉ាទីណូចែកជា៖ - អត្ថបទខ្លី - សំណួរចម្លើយ - សំណេរខ្លី (ការពិតរបស់កូនក្មេង) - ចម្ងល់ និងរបៀបដោះស្រាយបញ្ហារបស់ក្មេង (វ៉ល់ៗតែសប្បាយ) ជាពិសេសយកចេញពីបទពិសោធរបស់ខ្ញុំផ្ទាល់៕ ចំណាំ៖ ឯកសារនេះមិនត្រូវបានអនុញ្ញាតឲ្យ download ដើមី្បយកទៅបោះពុម្ពជាឯកសារក្រដាសដើមី្បលក់យកប្រាក់ ឬដើមី្បចែកចាយក្នុងគោលបំណងយកប្រាក់កម្រៃ ឬផលប្រយោជន៍សម្រាប់បុគ្គល ឬក្រុមណាមួយឡើយ។ boradino 01Download Boradino 01 This is a digital newspaper that … Continue reading បូរ៉ាទីណូ លេខ ១
គន្លឹះសម្រាប់ MC បង្ការការភ្លេចឬហៅច្រឡំលេខរៀងឈ្មោះ ក្នុងពិធីប្រគល់មេដាយ
នេះជាបទពិសោធ និងវិធីសាស្ត្រផ្ទាល់ខ្លួន ដែលធ្លាប់ធ្វើជា MC ក្នុងពិធីប្រគល់មេដាយជូនអ្នកធ្វើការ ដែលមានចំនួនលើសពីមួយរយនាក់។ ភាពទូទៅ - MC ទទួលបានក្រដាសឈ្មោះអ្នកត្រូវទទួលមេដាយ នៅថ្ងៃកម្មវិធីតែម្តង។ - ក្រដាសឈ្មោះអ្នកទទួលមេដាយត្រូវបានព្រីនលើក្រដាស A4, បែបportrait។ - ក្រដាសឈ្មោះអ្នកទទួលមេដាយមាន ២ បែប។ របៀបពិនិត្យ និងកែសម្រួលលេខរៀងក្នុងក្រដាសឈ្មោះ - បើបានក្រដាសឈ្មោះបែបទីមួយ នោះមិនបាច់កែសម្រួលអ្វីឡើយ។ - បើបានក្រដាសឈ្មោះបែបទី២ នោះត្រូវដាក់លេខរៀងដោយខ្លួនឯងជាថ្មី គឺដាក់លេខរៀងបន្តគ្នាដូចក្រដាសឈ្មោះបែបទីមួយ។ របៀបគ្រប់គ្រងក្រដាសឈ្មោះ និងការហៅឈ្មោះនៅក្នុងកម្មវិធី - ជាធម្មតា MC កាន់ក្រដាសនៅដៃមួយ ដៃមួយទៀតកាន់មេក្រូ។ - តាមរបៀបរបប, MC មិនអាចបត់ក្រដាសដែលកាន់នៅនឹងដៃឡើយ។ - ទោះមានប៊ិចក៏គ្មានពេលគូសចំណាំលេខរៀងឈ្មោះដែរ ព្រោះឈ្មោះមួយៗដែលត្រូវហៅឲ្យឡើងវេទិកា មានគម្លាតពីគ្នាត្រឹមពី ១ ទៅ ២ វិនាទីប៉ុណ្ណោះ។ វិធីសាស្ត្រ - កាត់ក្រចកមេដៃឲ្យចេញជារាងស្រួច។ - ពេលកាន់ក្រដាសគឺតម្រង់ចុងក្រចកទៅរកលេខរៀង។ - ចុងក្រចកតម្រង់ទៅរកលេខរៀងមួយណា ត្រូវហៅឈ្មោះហ្នឹង៕ … Continue reading គន្លឹះសម្រាប់ MC បង្ការការភ្លេចឬហៅច្រឡំលេខរៀងឈ្មោះ ក្នុងពិធីប្រគល់មេដាយ
ស្រមោលព្រះចន្ទ្រ 