បាវចនាជាតិរបស់កម្ពុជាមាន៖ ជាតិ សាសនា ព្រះមហាក្សត្រ។ គ្រាន់តែជាទូទៅ យើងរាប់បញ្ចូលទាំងពាក្យ 'ព្រះរាជាណាចក្រកម្ពុជា' ដែលដាក់នៅខាងលើពាក្យទាំងបីនេះ។ បាវចនាជាតិប្រើបានតែចំពោះឯកសារស្ថាប័នរដ្ឋប៉ុណ្ណោះ។ ស្ថាប័នឯកជនដូចជាក្រុមហ៊ុន, សមាគម, អង្គការ, មូលនិធិ (ឯកជន), និងគ្រប់អាជីវកម្មតូចធំ មិនអាចប្រើបាវចនាជាតិលើឯកសាររបស់ខ្លួនបានឡើយ សូមី្បតែត្រា, លើកលែងតែឯកសារដែលត្រូវឆ្លងកាត់ឬជាតម្រូវការរបស់អាជ្ញាធរ។ ចំពោះថាតើមានប្រភេទឯកសារអ្វីខ្លះ? នោះម្ចាស់ស្ថាប័នឯកជនត្រូវជួបនឹងអាជ្ញាធរដោយផ្ទាល់។ តាមរបៀបរបបរដ្ឋបាល បាវចនាជាតិត្រូវតែដាក់នៅផ្នែកខាងលើបង្អស់នៃលិខិតឬសំណើ ដោយប្រើទំហំអក្សរធំជាងឃ្លា និងប្រយោគផ្សេងៗ។ និមិត្តសញ្ញារបស់ស្ថាប័នត្រូវតែនៅក្រោមបាវចនាជាតិ ទោះបីជានិមិត្តសញ្ញានោះស្ថិតនៅជ្រុងខាងណានៃក្រដាសក៏ដោយ។ ការដាក់បាវចនាជាតិជាប្រភេទអក្សរដិត និងអក្សរឆ្លាក់ផ្សេងៗជារបៀបតុបតែង ហើយតែងប្រែប្រួលទៅតាមស្ថាប័ននីមួយៗ លើកលែងតែលិខិតផ្លូវការដែលត្រូវបញ្ជូនចេញទៅក្រៅស្ថាប័ន (និងលិខិតឬសំណើមួយចំនួនទៀត) ដែលអ្នកធ្វើការក្នុងការិយាល័យរដ្ឋបាលតែងនិយាយថា 'ត្រូវមានក្បាលលិខិត', នោះការរៀបចំ និងតាក់តែងបាវចនាជាតិត្រូវគោរពតាមគោលការណ៍រដ្ឋបាល ទាំងប្រភេទអក្សរឆ្លាក់, ទំហំ និងពណ៌៕
Tag: yaya idea
រឿង «ទន្សាយ និងខ្យង»
និពន្ធដោយ ភូ ចរិយា មានទន្សាយមួយក្បាលធ្វើដំណើរទៅលេងផ្ទះសាច់ញាតិ។ ដោយសារតែផ្ទះសាច់ញាតិនៅមិនឆ្ងាយ, វាមិនខ្វាយខ្វល់រឿងវេចខ្ចប់អាហារ និងទឹកតាមខ្លួនឡើយ។ ចៃដន្យអាកាសធាតុផ្លាស់ប្តូរ, ថ្ងៃប្រែជាក្តៅដូចចង្ក្រានភ្លើង, ធ្វើឲ្យទន្សាយហេវហត់ និងស្រេកទឹកយ៉ាងខ្លាំង តែមិនឃើញមានបឹងឬត្រពាំងសោះ។ ទន្សាយដើរបណ្ដើរភ្នែករំពៃមើលបណ្តើរក្រែងប្រទះកូនថ្លុកណាមួយ។ ពេលនោះ ស្រាប់តែឮសំឡេងស្រែកហៅ៖ «សួស្តី បងទន្សាយ។» ទន្សាយងាកមើល ក៏ឃើញសត្វខ្យងមួយនៅលើថ្មដែលនៅក្បែរផ្លូវ។ ទន្សាយមិនចង់និយាយជាមួយខ្យងទេ ដោយវានឹកខឹងនឹងពពួកខ្យងដែលធ្លាប់បានប្រើល្បិចដាក់វា កាលពីពេលវា និងខ្យងប្រណាំងគ្នា។ ប៉ុន្តែវាស្រាប់តែនឹកឃើញថា ខ្យងជាសត្វរស់ក្នុងទឹក ហើយខ្យងមិនងាយប្តូរទីកន្លែងរស់នៅឡើយ ហេតុនេះខ្យងប្រាកដជាដឹងថានៅម្តុំនេះ ទីណាមានទឹក។ នឹកឃើញដូច្នេះហើយ ទន្សាយក៏រាក់ទាក់ទៅខ្យងវិញ៖ «សួស្តី ប្អូនខ្យង។ តើប្អូនរស់នៅទីនេះមែនទេ?» «បាទ។» ខ្យងងក់ក្បាល «ខ្ញុំរស់នៅទីនេះ។» «អ៊ីចឹងតើនៅម្តុំនេះមានទឹកដែរឬទេ? ខ្ញុំស្រេកទឹក, ហើយថ្ងៃក៏ជិតលិចទៀត, ខ្ញុំកំពុងប្រញាប់ទៅផ្ទះសាច់ញាតិរបស់ខ្ញុំ។» «មាន។ បងឃើញគុម្ពោតនោះទេ? នៅក្រោយគុម្ពោតនោះមានត្រពាំងតូចមួយ។» ទន្សាយឮហើយត្រេកអរណាស់។ វាអរគុណខ្យង រួចប្រញាប់បោលទៅរកគុម្ពោត។ ទៅដល់ វាឃើញមានត្រពាំងមែន។ ទន្សាយបានផឹកទឹកយ៉ាងស្កប់ស្កល់ ហើយវាលែងខឹងនឹងពពួកខ្យងទៀតហើយ។ បន្ទាប់ពីផឹកទឹករួច វាក៏រហ័សរហួនបន្តដំណើរ។ មុនថ្ងៃលិច ទន្សាយបានទៅដល់ផ្ទះសាច់ញាតិរបស់វា និងបានជួបជុំគ្នាយ៉ាងរីករាយ៕ … Continue reading រឿង «ទន្សាយ និងខ្យង»
គំរូសម្តី MC ប្រកាសឲ្យភ្ញៀវមិនទាន់ចុះឈ្មោះទៅចុះឈ្មោះ
ឯកឧត្តម, លោកជំទាវ, លោក, លោកស្រី, នាងកញ្ញា និងភ្ញៀវកិត្តិយសទាំងអស់ជាទីគោរព នាងខ្ញុំសុំអនុញ្ញាតដើមី្បជូនដំណឹងដល់ឯកឧត្តម, លោកជំទាវ, លោក, លោកស្រី, នាងកញ្ញា និងភ្ញៀវកិត្តិយស ដែលមិនទាន់បានចុះឈ្មោះ, សូមមេត្តាចុះឈ្មោះនៅតុខាងក្រៅបន្ទប់ ដែលមានក្រុមការងារយើងខ្ញុំរង់ចាំសម្របសម្រួលជូន។ សូមអរគុណ។ ចំណាំ៖ សម្តីនេះអាចប្រើបានទាំងក្នុងកម្មវិធីស្ថាប័នរដ្ឋ និងឯកជន។
គំរូលិខិតអញ្ជើញចូលរួមវិបស្សនាការងារ (ស្ថាប័នរដ្ឋ) ទី២
រាជធានីភ្នំពេញ ថ្ងៃទី..... ខែ...... ឆ្នាំ....... លិខិតអញ្ជើញ សូមអញ្ជើញ លោកស្រី.................... មន្ត្រីនាយកដ្ឋាន............... ចូលរួម ៖ អង្គវិបស្សនាការងារ............... ក្រោមអធិបតីភាពបើក និងបិទដ៏ខ្ពង់ខ្ពស់ ឯកឧត្តម ............................................. កាលបរិច្ឆេទ ៖ ថ្ងៃទី...... ដល់ថ្ងៃទី...... ខែ....... ឆ្នាំ......... ទីកន្លែង ៖ សណ្ឋាគារ...... ខេត្ត....... សូមជូនភ្ជាប់ ៖ របៀបវារៈកម្មវិធី សម្លៀកបំពាក់ ៖ សមរម្យ ដូចម្តេចហៅថា «វិបស្សនាការងារ»? នៅក្នុងស្ថាប័នរដ្ឋហៅថា «វិបស្សនាការងារ», រីឯនៅស្ថាប័នឯកជនច្រើនតែប្រើភាសាអង់គ្លេសហៅថា «Retreat»។ ជាទូទៅ វិបស្សនាការងារ ឬ Retreat ត្រូវបានធ្វើឡើងនៅចុងឆ្នាំ។ វាជាកម្មវិធីផ្ទៃក្នុងស្ថាប័ន ដោយមានតែអ្នកក្នុងស្ថាប័នប៉ុណ្ណោះទើបចូលរួម។ គោលបំណងក្នុងការធ្វើ retreat, បើពោលតាមបែបផ្លូវការគឺដើម្បី៖ - បូកសរុបការងារ - បង្ហាញបញ្ហាដែលផ្នែកនីមួយបានជួបប្រទះ និងវិធីសាស្ត្រដោះស្រាយ - បង្ហាញពីផែនការនាឆ្នាំក្រោយរបស់ផ្នែកនីមួយៗ - … Continue reading គំរូលិខិតអញ្ជើញចូលរួមវិបស្សនាការងារ (ស្ថាប័នរដ្ឋ) ទី២
ស្រមោលព្រះចន្ទ្រ 