រាល់អតិថិជនតែងតែមានភាពភ័យខ្លាច។ ភាពភ័យខ្លាចកើតមកពីបទពិសោធកន្លងមក។ ឧទាហរណ៍ អតិថិជនម្នាក់ស្រឡាញ់អាវមួយ។ ចិត្តគាត់ចង់ទិញ តែពេលឃើញម៉ាករបស់អាវជាម៉ាកដែលគាត់មិនធ្លាប់ឮ ស្រាប់តែគាត់លែងចង់បានភ្លាមមួយរំពេច។ នេះដោយសារតែគាត់ធ្លាប់ទិញអាវម៉ាកដែលគាត់មិនធ្លាប់ស្គាល់ ហើយអាវនោះពាក់មិនបានប៉ុន្មានដងផង ក៏ខូច, ហើយមានអាវខ្លះនាំបញ្ហាដល់ស្បែករបស់គាត់។ ដូច្នេះក្នុងនាមជាម្ចាស់ផលិតផល, សេវាកម្ម ឬអ្នកបង្កើតមាតិកាតាមអនឡាញ លោកអ្នកគួរត្រៀមយុទ្ធសាស្ត្រដើម្បីកុំឲ្យអតិថិជនកើតការភ័យខ្លាចចំពោះផលិតផល, សេវាកម្ម ឬមាតិការបស់ខ្លួន៕ ** ** * Fear of customers Every customer is always having a fear related to buying. Fear comes from experiences. For example, a customer loves a shirt. She wants to buy it but when she sees the brand … Continue reading ភាពភ័យខ្លាចរបស់អតិថិជន
Category: Solo entrepreneur
ន័យរបស់ Convenience ក្នុង Marketing
Convenience ប្រែជាភាសាខ្មែរថា «ភាពងាយស្រួល»។ នៅក្នុង Marketing, Convenience សំដៅដល់ភាពងាយស្រួល ដែលម្ចាស់ផលិតផលឬសេវាកម្មផ្តល់ឲ្យអតិថិជន ទាំងក្នុងការរក, ការប្រើប្រាស់ និងការទទួលបានអត្ថប្រយោជន៍ពីផលិតផលឬសេវាកម្ម។ ឧទាហរណ៍ បើយើងមានផលិតផលមួយ ហើយអតិថិជនចង់ទិញ ហើយគាត់អាចរកបានសឹងនៅគ្រប់កន្លែង មិនថានៅផ្សារទំនើប, ផ្សារទូទៅ, Mart, នោះហើយដែលហៅថា ការផ្តល់ភាពងាយស្រួលដល់អតិថិជន។ មួយទៀត ពេលចង់ប្រើផលិតផល អតិថិជនគ្រាន់តែហែកថង់ស្រោបផលិតផល, រួចមួលគម្រប ហើយគម្របទៀតសោតមិនពិបាកបើក ដោយគ្រាន់តែមួលមួយឆាច់គឺបើកបាន, នោះចាត់ជា Convenience ហើយ។ នៅមានការដាក់កាលបរិច្ឆេទផុតកំណត់លើផលិតផលនៅទីតាំងដែលអតិថិជនងាយនឹងរកឃើញ, ការដាក់ព័ត៌មានស្តីពីរបៀបប្រើប្រាស់ជាប់ជាមួយនឹងផលិតផល, ភាសា តួអក្សរ ទំហំអក្សរនៅក្នុងសេចក្តីណែនាំពីរបៀបប្រើផលិតផល, អត្ថប្រយោជន៍ និងចំណុចដែលត្រូវប្រុងប្រយ័ត្ន។ សូមី្បតែរបៀបដោះស្រាយបញ្ហាជូនអតិថិជនក៏ត្រូវបានចាត់ជា Convenience ក្នុង Marketing ដែរ។ សរុបមក Convenience ក្នុង Marketing ជាការធ្វើឲ្យអតិថិជនពេញចិត្តទាំងស្រុង ទាំងលើការទិញ និងប្រើប្រាស់ផលិតផលឬសេវាកម្ម៕ ** ** * Meaning of ‘Convenience’ in … Continue reading ន័យរបស់ Convenience ក្នុង Marketing
គម្រោងរឿង «និទានស្នេហ៍ចាប និងត្រី»
ចំណងជើង ៖ និទានស្នេហ៍ចាប និងត្រី និពន្ធដោយ ៖ ភូ ចរិយា សង្ខេប «អាចេប» ជាចាបដែលខ្ជិលជាងគេនៅក្នុងព្រៃ។ វាដេកទ្រមក់ទាល់តែថ្ងៃរះ ហើយវាចូលចិត្តរកស៊ីតែម្តុំជុំវិញដើមឈើដែលសម្បុករបស់វាតាំងនៅ។ ដោយសារតែលែងមានចំណី អាចេបត្រូវបង្ខំចិត្តហើរចេញទៅរកចំណីឆ្ងាយពីសម្បុក។ វាបានហើរមកដល់បឹងមួយ ដែលមានត្រីជាច្រើនកំពុងហែល។ ក្នុងចំណោមត្រីទាំងនោះ មានត្រីញីមួយក្បាលស្រស់ស្អាតជាងគេឈ្មោះ «នាងមាស»។ អាចេបបានបង្ហាញថា វាមានចិត្តប្រតិព័ទ្ធចំពោះនាង។ ចំណែកនាងមាសក៏ឲ្យសញ្ញាថា នាងក៏មានចិត្តចំពោះអាចេបដែរ។ ពួកគេទាំងពីរបានសម្រេចចិត្តរៀបការជាមួយគ្នា ដោយមានសត្វទាំងឡាយនៅក្នុងព្រៃមកចូលរួមអបអរ និងធ្វើជាសាក្សី។ ក្រោយរៀបការរួច អាចេប និងនាងមាសតាំងលំនៅនៅបឹងនោះ ដោយនាងមាសនៅក្នុងទឹក ឯអាចេបនៅលើដើមឈើដែលនៅប្របមាត់បឹងនោះ។ រៀងរាល់ថ្ងៃ អាចេបហើរទៅរកចំណីមកទម្លាក់ទៅក្នុងទឹកឲ្យនាងមាស ហើយពេលយប់ វាស្រែកច្រៀងបំពេរនាងមាសឲ្យដេក។ ថ្ងៃមួយ អាកាសធាតុស្រាប់តែប្រែជាក្តៅខ្លាំង។ បឹងដែលនាងមាសនៅបានរីងរួមតូច។ ត្រីងាប់អស់ នៅសល់តែនាងមាសមួយ។ សត្វទាំងឡាយបាននាំគ្នាភៀសខ្លួនចេញពីព្រៃ។ នៅតែអាចេប។ នាងមាសបានប្រាប់ឲ្យអាចេបទៅជាមួយនឹងសត្វផ្សេងៗទៅ តែអាចេបមិនព្រម។ ដោយមើលទៅថ្ងៃកាន់តែក្តៅខ្លាំង ទាំងអាចេប និងនាងមាសយល់ថាគ្មានសង្ឃឹមនឹងបានរស់, ទាំងពីរនាក់ក៏សម្រេចចិត្តសារភាពប្រាប់គ្នា ជាពិសេសគឺចេតនាពិតនៅពីក្រោយការរៀបអាពាហ៍ពិពាហ៍៕ ** ** * Title : … Continue reading គម្រោងរឿង «និទានស្នេហ៍ចាប និងត្រី»
វីដេអូពាណិជ្ជកម្មជាការប្រាស្រ័យ
វីដេអូពាណិជ្ជកម្ម ត្រូវបានចាត់ទុកជាការប្រាស្រ័យមួយប្រភេទ ដោយប្រភេទនេះផ្តោតលើការប្រាស្រ័យរវាងក្រុមហ៊ុនផលិតផល ឬក្រុមហ៊ុនផ្តល់សេវាកម្មជាមួយនឹងអតិថិជន។ កាលពីមុន ការប្រាស្រ័យចែកជាពីរគឺ៖ ការប្រាស្រ័យដោយប្រើពាក្យសម្តី សំដៅដល់ការនិយាយគ្នាដោយផ្ទាល់រវាងមនុស្សពីរនាក់ ឬលើសពីពីរនាក់, ទាំងការនិយាយទល់មុខឬនិយាយឆ្លើយឆ្លងតាមទូរស័ព្ទ។ ការប្រាស្រ័យមិនប្រើពាក្យសម្តី សំដៅដល់ការប្រើកាយវិការ, ទឹកមុខ, រូបភាព, អក្សរជាដើម។ និយាយឲ្យងាយស្រួលស្តាប់ គឺការឆ្លើយឆ្លងគ្នាដោយមិននិយាយស្តី។ បច្ចុប្បន្នមានការធ្វើបច្ចុប្បន្នភាពលើការប្រាស្រ័យ ដោយបែកចែកជាបួន៖ ការប្រាស្រ័យដោយប្រើពាក្យសម្តី ៖ ការនិយាយគ្នាដោយផ្ទាល់វាងមនុស្សពីរនាក់ ឬលើសពីពីរនាក់, ទាំងការនិយាយទល់មុខឬនិយាយឆ្លើយឆ្លងតាមទូរស័ព្ទ។ ការប្រាស្រ័យដោយមិនប្រើពាក្យសម្តី ៖ ការនិយាយគ្នាដោយប្រើកាយវិការ, ទឹកមុខ, សំឡេង (សញ្ញា)។ ការប្រាស្រ័យដោយប្រើរូបភាព ៖ ការប្រើគំនូរ, រូបថត ឬវីដេអូ។ ការប្រាស្រ័យដោយប្រើអក្សរ ៖ ការឆ្លើយឆ្លងតាមសារទូរស័ព្ទ, សារអេឡិចត្រូនិច, អត្ថបទ, និងផ្សេងៗទៀត (និយាយឲ្យចំ គឺប្រើតួអក្សរ)។ ចំពោះវីដេអូពាណិជ្ជកម្ម (TVC) ចាត់ទុកជាការប្រាស្រ័យរវាងម្ចាស់ផលិតផលឬ សេវាកម្មជាមួយនឹងអតិថិជនដោយប្រើរូបភាព, សំឡេង និងតួអក្សរ គឺជាប្រភេទការប្រាស្រ័យដោយមិនប្រើពាក្យសម្តី៕ ** ** * TV Commercial … Continue reading វីដេអូពាណិជ្ជកម្មជាការប្រាស្រ័យ
ស្រមោលព្រះចន្ទ្រ 