បញ្ជាក់៖ នេះជាគំនិត និងការពិសោធផលិតផ្ទាល់ខ្លួន, ហើយទឹកដែលផលិតបានមិនទាន់ជាទឹកមានសុវត្ថិភាពទេ។ វត្ថុត្រូវការ - ធុងទឹកជ័រ (មានគម្រប) - ថង់ផ្លាស្ទិកធំ និងស្អាត - កែវទឹក - ដុំស្រកីដូង - វត្ថុរឹង (ដុំថ្មឬរបស់អ្វីមួយដែលអាចសង្កត់កណ្តាលថង់ផ្លាស្ទិក) វិធីធ្វើ - យកថង់ផ្លាស្ទិកដាក់ទៅក្នុងធុងជ័រ ត្រឹមពាក់កណ្តាលធុង។ - ដាក់ស្រកីដូងលើថង់ផ្លាស្ទិក ដោយទុកចន្លោះកណ្តាលសម្រាប់ដាក់កែវទឹក។ - គ្របថង់ផ្លាស្ទិកពីលើមួយជាន់ទៀត រួចយកវត្ថុរឹងមកដាក់ពីលើថង់ផ្លាស្ទិកឲ្យថង់ស្រុតចុះតម្រង់ទៅរកកែវទឹក រួចបិទធុងឲ្យជិត។ - យកធុងទៅដាក់ហាលថ្ងៃ។ ចំណាំ - ត្រូវការពេលជាច្រើនម៉ោង និងត្រូវការពន្លឺថ្ងៃ។ - ទទួលបានបរិមាណទឹកតិច និងមិនទាន់ប្រាកដថាមានសុវត្ថិភាពឡើយ៕ https://videopress.com/v/hN07JEzl?resizeToParent=true&cover=true&posterUrl=https%3A%2F%2Fvideos.files.wordpress.com%2FhN07JEzl%2F1766744813_mp4_std.original.jpg&preloadContent=metadata&useAverageColor=true How to produce water from coconut husk and solar Note: This is an idea and method … Continue reading របៀបផលិតទឹកដោយប្រើស្រកីដូង និងពន្លឺព្រះអាទិត្យ
Category: General
សេចក្តីជូនដំណឹងពីការផ្អាកធ្វើបច្ចុប្បន្នភាព គេហទំព័រ និងបណ្តាញសង្គមផ្សេងៗរបស់ chantchhaya
នៅថ្ងៃទី១៥ ខែតុលា ឆ្នាំ ២០២៥ មានសារដែលមានលេខកូដបរទេសចូលមកក្នុងទូរស័ព្ទដៃរបស់ខ្ញុំ ហើយខ្ញុំបានចុចដោយអចេតនា។ បន្ទាប់មក ក៏មានសារ (លេខកូដបរទេស) លោតមកជាបន្តបន្ទាប់។ ខ្ញុំមិនដឹងថា ទូរស័ព្ទខ្ញុំត្រូវបាន hack ឬអត់ទេ។ ដោយសារតែជាទូទៅ ការងារអនឡាញរបស់ខ្ញុំភ្ជាប់ជាមួយទូរស័ព្ទដៃ, ដូច្នេះដើមី្បសុវត្ថិភាព, ខ្ញុំសុំផ្អាកធ្វើបច្ចុប្បន្នភាពគេហទំព័រស្រមោលព្រះចន្ទ្រ, គេហទំព័រផ្សេងៗ និងសកម្មភាពលើបណ្តាញសង្គមទាំងឡាយរួមមានយូធ្យូប, ទិតក់, LinkedIn និងផ្សេងៗ មួយរយៈសិន។ នេះជាការជូនដំណឹងដល់មិត្តអ្នកអាន និងអ្នកគាំទ្រ chantchhaya។ សុំមេត្តាប្រុងប្រយ័ត្នខ្ពស់ ជាពិសេសបើសិនជាឃើញសារអេឡិចត្រូនិចដែលមានឈ្មោះរបស់ខ្ញុំ ឬលេខទូរស័ព្ទរបស់ខ្ញុំទាក់ទងទៅលោកអ្នក។ សូមអរគុណ។ ** * Announcement On October 15, 2025, a message with a foreign country code came to my cell phone, and I accidentally clicked it. … Continue reading សេចក្តីជូនដំណឹងពីការផ្អាកធ្វើបច្ចុប្បន្នភាព គេហទំព័រ និងបណ្តាញសង្គមផ្សេងៗរបស់ chantchhaya
បូរ៉ាទីណូ លេខ ១
ពេលរំឭកដល់កាលរៀននៅបឋមសិក្សា ខ្ញុំសប្បាយចិត្ត។ មិនមែនដោយសារតែខ្ញុំរស់នៅស្រួលទេ, តែដោយសារតែខ្ញុំគ្រាន់តែជាកូនក្មេងម្នាក់។ ជីវិតជាកូនក្មេង, មិនថារបៀបរស់នៅ និងរបៀបគិតគឺសាមញ្ញណាស់។ ប៉ុន្តែភាពរីករាយត្រូវបានបាត់បង់បន្តិចម្តងៗ។ មិនមែនព្រោះតែកើនវ័យទេ តែព្រោះតែមនុស្សចាស់យកភាពស្មុគស្មាញដែលពួកគាត់ចម្លងតាមគ្នា និងធ្វើតាមគ្នារាប់រយជំនាន់មកផ្ទុកក្នុងខួរក្បាលរបស់ក្មេង។ ហេតុដូច្នេះហើយទើបខ្ញុំបង្កើតឯកសារនេះឡើង ដើមី្បរំឭកឡើងវិញនូវជីវភាពដែលគ្មានទុក្ខព្រួយរបស់ខ្ញុំ។ ទាំងអត្ថបទទាំងរូបភាពទាំងការរចនាគឺគំនិតរបស់ខ្ញុំផ្ទាល់ ហើយគ្រប់យ៉ាងដែលមានក្នុងឯកសារនេះ គឺខ្ញុំចង់ផ្តោតលើពាក្យថា «ក្មេង»។ ជាក្មេង ធ្វើអ្វីក៏មិនស្អាតមិនល្អដែរ ថែមទាំងមិនមានសណ្តាប់ធ្នាប់, នឹកឃើញអ្វីក៏ធ្វើនោះ, ចិត្តចង់និយាយអ្វី ក៏និយាយនោះ។ នោះហើយគឺជាក្មេង។ ចំពោះការចេញផ្សាយសាកល្បងលើកទីមួយនេះ អត្ថបទក្នុងបូរ៉ាទីណូចែកជា៖ - អត្ថបទខ្លី - សំណួរចម្លើយ - សំណេរខ្លី (ការពិតរបស់កូនក្មេង) - ចម្ងល់ និងរបៀបដោះស្រាយបញ្ហារបស់ក្មេង (វ៉ល់ៗតែសប្បាយ) ជាពិសេសយកចេញពីបទពិសោធរបស់ខ្ញុំផ្ទាល់៕ ចំណាំ៖ ឯកសារនេះមិនត្រូវបានអនុញ្ញាតឲ្យ download ដើមី្បយកទៅបោះពុម្ពជាឯកសារក្រដាសដើមី្បលក់យកប្រាក់ ឬដើមី្បចែកចាយក្នុងគោលបំណងយកប្រាក់កម្រៃ ឬផលប្រយោជន៍សម្រាប់បុគ្គល ឬក្រុមណាមួយឡើយ។ boradino 01Download Boradino 01 This is a digital newspaper that … Continue reading បូរ៉ាទីណូ លេខ ១
តើអ្វីទៅជា «ជំនួយស្មារតី» ក្នុងការងាររដ្ឋបាលស្ថាប័នរដ្ឋ?
ជំនួយស្មារតី ជាកំណត់សម្គាល់ ឬកំណត់ចំណាំនូវចំណុច និងរឿងដែលត្រូវលើកនៅក្នុងកិច្ចប្រជុំ។ ជាទូទៅ មានតែថ្នាក់ដឹកនាំប្រើពាក្យ «ជំនួយស្មារតី» នេះ។ ដោយឡែកអ្នកផ្សេងៗច្រើនតែប្រើពាក្យថា 'Note' តាមភាសាអង់គ្លេស ដែលប្រែមកជាភាសាខ្មែរថា «សម្គាល់» ឬ «ចំណាំ» ហ្នឹងឯង។ ថ្វីដ្បិតតែថ្នាក់ដឹកនាំជាអ្នកប្រើជំនួយស្មារតី តែជាធម្មតាគឺខាងជំនួយការឬក្រុមជំនួយការជាអ្នករៀបចំឲ្យ។ មុនពេលប្រជុំ ថ្នាក់ដឹកនាំនឹងហៅជំនួយការទៅជួប រួចប្រាប់ពីអ្វីដែលគាត់ចង់និយាយ។ ជំនួយការនឹងកត់ត្រានូវសម្តីរបស់ថ្នាក់ដឹកនាំ រួចយកមករៀបចំនៅក្នុងកុំព្យូទ័រ។ ជិតដល់ថ្ងៃប្រជុំ ជំនួយការនឹងចូលទៅជួបថ្នាក់ដឹកនាំ ដោយយកសេចក្តីព្រាងជំនួយស្មារតីដែលបាន print រួច ទៅដាក់ជូនដើមី្បពិនិត្យ។ ក្រោយពីអានរួច ថ្នាក់ដឹកនាំនឹងប្រាប់ថា គួរលុបត្រង់នេះ, គួរថែមថយត្រង់នេះ ឬសម្រេចថាយក ដោយមិនបាច់កែ។ ការធ្វើ «ជំនួយស្មារតី» មិនបានទាមទារនូវរបៀបរបបផ្លូវការនោះទេ។ សំខាន់នៅក្នុងក្រដាសត្រូវមានចំណងជើង, កាលបរិច្ឆេទប្រជុំ, ទីកន្លែងប្រជុំ, ប្រធានបទត្រូវប្រជុំ, និងរឿងដែលថ្នាក់ដឹកនាំត្រូវនិយាយ ដោយដាក់ជាចំណុចៗ និងសរសេរសង្ខេបខ្លីៗ។ សារប្រយោជន៍នៃការធ្វើ និងប្រើជំនួយស្មារតី គឺ៖ មិនច្រឡំប្រធានបទកិច្ចប្រជុំ មិនភ្លេចចំណុចសំខាន់ៗដែលត្រូវនិយាយក្នុងកិច្ចប្រជុំ កាត់បន្ថយការនិយាយរឿងក្រៅផ្លូវការ ដែលនាំឲ្យចំណាយពេលប្រជុំឥតប្រយោជន៍៕
ស្រមោលព្រះចន្ទ្រ 
