និពន្ធដោយ ភូ ចរិយា សាលារៀនមួយត្រូវបានបោះបង់ចោល ដោយសារតែអគារមួយខ្នងដែលមានកម្ពស់ពីរជាន់។ មានហេតុការណ៍ជាច្រើនបានកើតឡើងនៅអគារមួយនោះ តាំងពីថ្ងៃចាប់ផ្តើមសាងសង់រហូតដល់សាងសង់រួច។ អំឡុងបុកគ្រឹះអគារ, កម្មករម្នាក់ស្រាប់តែនៅសុខៗរត់ទៅចងកសម្លាប់ខ្លួន។ ពេលសាងសង់បានពាក់កណ្តាល, ក្បឿងដំបូលមួយបន្ទះបានជ្រុះចុះមកត្រូវមេការសាងសង់ស្លាប់ភ្លាមៗនៅនឹងកន្លែង។ មុនថ្ងៃសម្ពោធពីរថ្ងៃ, សន្តិសុខរបស់សាលាម្នាក់លោតសម្លាប់ខ្លួនពីជាន់ទីពីរ។ ក្រោយមក ក៏មានសិស្សស្រីម្នាក់ចូលទៅចងកសម្លាប់ខ្លួនក្នុងបន្ទប់ទឹកនៅជាន់ក្រោម។ បន្ទាប់ពីនោះមក តែងមានរឿងចម្លែកៗកើតឡើងដូចជា៖ ពេលកំពុងតែរៀន ស្រាប់តែឮសំឡេងហ៊ឺៗពីមាត់បង្អួច ដែលសំឡេងនេះ ទាំងគ្រូ និងសិស្សឮទាំងអស់គ្នា។ ពេលសិស្សកំពុងតែរៀន ក៏មានដុំសក់ជ្រុះពីពិតានមកលើតុរបស់ពួកគេ។ ពេលសិស្សស្រីៗចូលទៅបន្ទប់ទឹក ពួកគេតែងតែឃើញស្រីម្នាក់ស្លៀកសម្លៀកបំពាក់សិស្សឈរនៅកៀនជញ្ជាំង។ ឃើញតែមួយភ្លែត រួចក៏បាត់វិញ។ នាពេលរសៀល មានគ្រូ និងសិស្សមួយចំនួនធ្លាប់ឃើញប្រុសម្នាក់ដើរតាមរបៀងដោយផ្អៀងក្បាលទៅម្ខាង។ សូមី្បតែនាយកសាលាក៏ធ្លាប់ជួបដែរ។ ពេលល្ងាចមួយ គាត់ដើរទៅរកម៉ូតូដែលចតនៅមុខទីចាត់ការ ស្រាប់តែឃើញប្រុសម្នាក់អង្គុយលើមែកដើមស្វាយដែលដុះនៅទល់មុខនោះ។ ពេលគាត់ងើយមុខខំរកមើល ដោយខ្លាចថាសិស្សឡើងទៅលេងហើយជាប់លើនោះ តែរកមិនឃើញ មិនដឹងបាត់ទៅណា។ គ្រាន់តែប៉ុណ្ណឹង គ្រប់គ្នាដឹងបាត់ហើយថាមានខ្មោចលង ប៉ុន្តែម្នាក់ៗមិនសូវអើពើ ព្រោះលងតែពីរបីថ្នាក់។ ក្រោយមក លងគ្រប់ថ្នាក់ និងរបៀបលងកាន់តែសាហាវឡើងៗ ទើបនាយកសាលាសម្រេចឲ្យឈប់រៀននៅអគារនោះ។ គ្រប់គ្នាគិតថាលែងអីហើយ។ មានឯណា, តាមលងមកដល់អគារផ្សេងៗ សូមី្បតែទីចាត់ការក៏មិនលើកលែងដែរ ហើយទោះបីខំនិមន្តព្រះសង្ឃមកស្រោចទឹក ក៏នៅតែមិនបាត់។ ចុងក្រោយ នាយកសាលា … Continue reading រឿង «អគារពីរជាន់»
Tag: writing
រឿង «ខ្លាឃ្មុំ និងទន្សាយ»
រឿងដើម ៖ «យាយទូលចេក និងទន្សាយ» កែប្រែរឿង និងនិពន្ធថ្មីដោយ ភូ ចរិយា មានខ្លាឃ្មុំមួយកំពុងតែរុញរទេះដឹកផ្លែទំពាំងបាយជូរ។ នៅកៀនផ្លូវ មានទន្សាយមួយកំពុងតែស្វែងរកចំណី។ វាបានឃើញខ្លាឃ្មុំដឹកផ្លែទំពាំងបាយជូរ។ វានឹកឃ្លានចង់ស៊ីទំពាំងបាយជូរ។ វាក៏រត់ទៅធ្វើពុតជាងាប់នៅកណ្តាលផ្លូវ។ ពេលខ្លាឃ្មុំមកដល់ ឃើញទន្សាយដេកនៅកណ្តាលផ្លូវដូច្នេះ គិតស្មានថាទន្សាយងាប់ ក៏រើសយកទន្សាយដាក់ក្នុងរទេះ ទើបបន្តដំណើរ។ មួយស្របក់ក្រោយ ខ្លាឃ្មុំបានមកដល់ដីទួលមួយ។ ផ្ទះរបស់ខ្លាឃ្មុំស្ថិតនៅលើដីទួលនោះ។ ដើមី្បឡើងទៅបាន ខ្លាឃ្មុំត្រូវប្តូរពីរុញទៅជាអូសរទេះវិញ។ ឆ្លៀតឱកាសនោះ ទន្សាយបានលួចស៊ីទំពាំងបាយជូររហូតទាល់តែអស់ រួចប្រញាប់លោតចុះពីរទេះ ហើយបោលទៅចូលព្រៃបាត់។ ពេលឡើងដល់លើទួលហើយ, ខ្លាឃ្មុំងាកមក ឃើញនៅក្នុងរទេះសល់តែទង និងស្លឹក បាត់ផ្លែទំពាំងបាយជូរ និងសត្វទន្សាយ។ ពេលនោះ ខ្លាឃ្មុំភ្ញាក់ខ្លួនព្រើត៖ «យី! អញចាញ់បោកទន្សាយនេះទេតើ៕» ** ** * Story ‘Bear and Hare’ original story : Old woman and the hare re-written by … Continue reading រឿង «ខ្លាឃ្មុំ និងទន្សាយ»
ដូរទីប្រឹក្សា បើមុខរបរមិនដើរទៅមុខ
បញ្ជាក់៖ អ្វីដែលខ្ញុំបង្ហាញខាងក្រោមនេះ ជាបទពិសោធន៍របស់ខ្ញុំផ្ទាល់។ ពេលខ្ញុំធ្វើ blog, ខ្ញុំបានចូលអានអត្ថបទរបស់ bloggers ផ្សេងៗដែលប្រាប់ពីវិធីធ្វើឲ្យ blog មានអ្នកទស្សនា។ មិនត្រឹមតែអានទេ ខ្ញុំធ្វើតាមទាំងអស់។ ប៉ុន្តែហាក់ដូចជាគ្មានបានផលសោះ។ មិនថាប្រឹងច្រើនឆ្នាំប៉ុណ្ណា ក៏នៅតែគ្មានលទ្ធផល។ ពេលនោះ ខ្ញុំនឹកសង្ស័យថា ខ្ញុំប្រហែលជាដើរមិនត្រូវផ្លូវ។ ខ្ញុំក៏ឈប់អានអត្ថបទទាំងនោះ ហើយប្តូរទៅអានអត្ថបទទាក់ទងនឹងការធ្វើជំនួញវិញ។ ហើយខ្ញុំបានប្រទះនឹងឃ្លាមួយដែលធ្វើឲ្យខ្ញុំភ្ញាក់ខ្លួន៖ ជំនួញ គឺជាការលក់ទំនិញទៅឲ្យអតិថិជន ដែលទំនិញនោះជារបស់ដែលអតិថិជនត្រូវការ។ ការធ្វើ blog ឬគេហទំព័រក៏ជាជំនួញដែរ។ បើចង់ឲ្យមានអ្នកទស្សនា លុះណាតែ blog ឬគេហទំព័ររបស់យើងមានអ្វីដែលអ្នកទស្សនាត្រូវការ។ ដោយសារតែពាក្យមួយឃ្លានេះ ទើបខ្ញុំផ្លាស់ប្តូរគេហទំព័ររបស់ខ្ញុំពីការចេញផ្សាយអត្ថបទទូទៅ និងរឿងប្រឌិត ទៅជាផ្តល់គំរូឯកសាររដ្ឋបាលជាភាសាខ្មែរឲ្យអ្នកទស្សនាមកចម្លងយកទៅប្រើវិញ។ ហើយការផ្លាស់ប្តូរនេះពិតជានាំនូវលទ្ធផលគួរជាទីពេញចិត្តមែន។ វាមិនទាន់ចាត់ទុកថាបានជោគជ័យទេ តែវាជាការចាប់ផ្តើមរកឃើញផ្លូវដែលត្រូវ។ ដូច្នេះបើសិនជាលោកអ្នកមានមុខរបរមិនថាជា blogger ឬជាអ្វីទេ ហើយមុខរបរនោះដូចជាគាំងឬមិនដើរទៅមុខ លោកអ្នកគួរសាកល្បងប្តូរ៖ - អ្នកដែលលោកអ្នកតែងតែទៅរកដើមី្បឲ្យផ្តល់យោបល់ឲ្យលោកអ្នក - ប្រភេទឯកសារដែលលោកអ្នកអាន និង - វិធីសាស្ត្រដែលលោកអ្នកកំពុងប្រើ។ ដូចខ្ញុំបានពោលពីខាងលើ ពេលខ្លះប្រហែលជាយើងរើសមិនត្រូវ ទើបបានជាយើងមិនទទួលបាននូវអ្វីដែលស័ក្តិសមនឹងបាន៕ ** ** … Continue reading ដូរទីប្រឹក្សា បើមុខរបរមិនដើរទៅមុខ
វិធីកាត់បន្ថយបញ្ហាមើលអត្ថបទ និងរូបមុនពេលអត្ថបទចេញផ្សាយលើ WordPress
មិនខុសពី Blogger ផ្សេងៗទេ ខ្ញុំតែងតែសរសេរ និងរៀបចំអត្ថបទរួចរាល់ ហើយកំណត់កាលបរិច្ឆេទចេញផ្សាយ។ ប៉ុន្តែខ្ញុំបានសង្កេតឃើញថា រូបភាពដែលខ្ញុំដាក់ភ្ជាប់ជាមួយអត្ថបទនោះត្រូវបានគេមើលឃើញ។ សូមី្បតែអត្ថបទ ពេលខ្លះហាក់ដូចជាមានគេចូលអានបានមុនដែរ។ ខ្ញុំមិនដឹងថាមានបញ្ហានៅត្រង់កន្លែងណាទេ ហើយក៏មិនដឹងថាគួរដោះស្រាយបែបណាដែរ។ បើទាក់ទងទៅ WordPress, ខាង WordPress ជាទូទៅណែនាំឲ្យតែទិញ Plug-in។ ដោយសារតែកង្ខះខាតថវិកា ខ្ញុំព្យាយាមរកវិធីសាស្ត្រដោយខ្លួនឯង៖ ខ្ញុំសរសេរអត្ថបទ និងរៀបចំអត្ថបទឲ្យរួច តែរក្សាអត្ថបទជា draft។ ចំណែករូបភាពដែលត្រូវភ្ជាប់ជាមួយអត្ថបទ ខ្ញុំ upload ចូលក្នុង Media។ ពេលដែលខ្ញុំចង់ចេញផ្សាយអត្ថបទ ទើបខ្ញុំចុច publish។ ក្រោយពេលអត្ថបទចេញផ្សាយ ទើបខ្ញុំ attach រូបទៅក្នុងអត្ថបទ ហើយចុច update។ វិធីមួយនេះមិនអាចបញ្ឈប់ការយកអត្ថបទ និងរូបទេ វាគ្រាន់តែជួយកាត់បន្ថយបញ្ហាប្រឈម៖ បើសិនជាគេអាចមើលអត្ថបទរបស់យើង គេអាចនឹងយកគំនិត និងប្រធានបទរបស់យើងទៅសរសេរ និង publish មុនយើង។ ពេលនោះ យើងនឹងប្រែក្លាយពីម្ចាស់ដើមទៅជាអ្នកចម្លងពីគេវិញ។ ករណីរូបភាពក៏ដូចគ្នាដែរ។ បើគេអាចមើលរូបភាពយើងបាន គេក៏អាចទាញយករូបរបស់យើង ហើយ post តាមអនឡាញមុនយើងដែលជាម្ចាស់ដើម។ … Continue reading វិធីកាត់បន្ថយបញ្ហាមើលអត្ថបទ និងរូបមុនពេលអត្ថបទចេញផ្សាយលើ WordPress
ស្រមោលព្រះចន្ទ្រ 