ជឿជាក់ថា មិនសូវមានអ្នកដឹងឡើយ ព្រោះកង់ឌុបមាននៅកម្ពុជាក្នុងរយៈពេលខ្លីប៉ុណ្ណោះ។ សូមី្បតែខ្ញុំក៏ទើបតែដឹងដែរ។ «កង់ឌុប» ជាយានជំនិះស៊ីឈ្នួល ដូចស៊ីក្លូ និងម៉ូតូឌុបក្នុងសម័យបច្ចុប្បន្ន។ យានស៊ីឈ្នួលមួយនេះមានអាយុកាលប្រមាណជាពីរទៅបីឆ្នាំ ចន្លោះពីឆ្នាំ ១៩៨០ ដល់ ១៩៨៣ និងមាននៅតែក្នុងក្រុងភ្នំពេញ (បើតាមការរៀបរាប់របស់អ្នកផ្ទះ)។ កង់ឌុប ដូចម៉ូតូឌុប ដោយផ្តោតលើសេវាកម្មដឹកមនុស្សពីទីតាំងមួយទៅទីតាំងមួយ តែបានមនុស្សម្នាក់ ហើយនិងអីវ៉ាន់តិចតួច ប៉ុន្តែកង់ឌុបដូចស៊ីក្លូត្រង់មានល្បឿនយឺត និងដឹកជញ្ជូនក្នុងចម្ងាយជិតៗ។ បើតាមការចងចាំរបស់អ្នកផ្ទះ អ្នករត់កង់ឌុបសុទ្ធសឹងតែជាមនុស្សប្រុស, ស្លៀកពាក់ប្រហាក់ប្រហែលនឹងអ្នករត់ម៉ូតូឌុប តែសម្លៀកបំពាក់ចាស់ជាងឆ្ងាយណាស់ (ព្រោះទើបតែរួចផុតពីរបបខ្មែរក្រហម)។ ទាក់ទងនឹងតម្លៃឈ្នួលកង់ឌុប ខ្ញុំមិនដឹងឡើយ ហើយអ្នកផ្ទះក៏មិនដឹងដែរ ដោយសារតែពួកគាត់មិនដែលបានជិះកង់ឌុបនោះ។ ពួកគាត់គ្រាន់តែឃើញ និងដឹងពីកង់ឌុប ពេលពួកគាត់មកភ្នំពេញ។ ខ្ញុំបានសួរពីម៉ូដកង់ដែលអ្នករត់កង់ឌុបប្រើ។ ពួកគាត់ប្រាប់ថា ពួកគេប្រើកង់ខ្មែរ, ខ្លះទៀតប្រើកង់ប្រុស។ ខ្ញុំធ្លាប់ឃើញកង់ខ្មែរ ក្នុងអំឡុងឆ្នាំ ១៩៩០ តែចាំរូបរាងស្រពិចស្រពិល ព្រោះខ្ញុំនៅក្មេងនៅឡើយ។ បើសិនជាអាចរកឃើញវីដេអូខារ៉ាអូខេ ច្រៀងដោយ ណូយ វណ្ណេត ដែលមានចំណងជើងថា «កង់បងធ្វើនៅស្រុកខ្មែរ» នោះលោកអ្នកនឹងបានឃើញរូបរាងកង់ខ្មែរយើងកាលសម័យនោះហើយ។ ចំពោះកង់ប្រុសមានរូបរាងដូចក្នុងរូបខាងក្រោម (ថតនៅភូមិត្នោតជ្រំ)។ បើតាមសម្តីរបស់អ្នកផ្ទះ ក្រោយរំដោះពីរបបខ្មែរក្រហម កម្ពុជាមានយានដឹកជញ្ជូនបីប្រភេទ … Continue reading កង់ឌុប
Tag: ភូ ចរិយា
គំរូ Cover Letter ជាភាសាខ្មែរ
ពេលដាក់ពាក្យចូលធ្វើការតាមស្ថាប័នឯកជន គេតម្រូវឲ្យមាន CV និង Cover Letter។ ទាំងពីររបស់នេះត្រូវសរសេរជាភាសាអង់គ្លេស។ ប៉ុន្តែខ្ញុំយល់ថា ខ្មែរមាន CV និង Cover Letter ជាភាសាខ្មែរក៏មិនជាទាស់ខុសអី្វដែរ ទើបខ្ញុំធ្វើ និងបកប្រែ CV និង Cover Letter ជាភាសាខ្មែរទៅ។ គ្រាន់តែ CV ខ្ញុំដឹងថាជាភាសាខ្មែរហៅថា ប្រវត្តិរូបសង្ខេប តែ Cover Letter ខ្ញុំមិនដឹងទេ ហើយខ្ញុំក៏រកពាក្យមកដាក់មិនទាន់ត្រូវដែរ ដូច្នេះខ្ញុំសុំប្រើពាក្យ Cover Letter ដដែល គ្រាន់តែថែមថា ជាភាសាខ្មែរ។ ទោះយ៉ាងណា ក៏ Cover Letter ជាភាសាខ្មែរមួយនេះ មិនទាន់មានការទទួលស្គាល់ និងទទួលយកឲ្យប្រើប្រាស់ឡើយ ដូច្នេះសូមលោកអ្នកមេត្តាយកទៅប្រើប្រាស់តាមការគួរ៕ ** * Cover Letter in Khmer language In Cambodia, CV and … Continue reading គំរូ Cover Letter ជាភាសាខ្មែរ
សង្ខេប ៩ ចំណុច នៃរបៀបដាក់បាវចនាជាតិលើឯកសារ
តាមរយៈបទពិសោធ ១០ ឆ្នាំ ផ្នែកការងាររដ្ឋបាលទូទៅ ខ្ញុំអាចសង្ខេប និងសន្និដ្ឋាន ៩ ចំណុចនេះ ទាក់ទងនឹងការដាក់បាវចនាជាតិលើឯកសារ (ឯកសារប្រើប្រាស់ផ្ទៃក្នុងស្ថាប័ន)។ ប៉ុន្តែមិនមែនបានន័យថា អ្វីដែលខ្ញុំរៀបរាប់ខាងក្រោមនេះត្រឹមត្រូវនោះទេ។ វាគ្រាន់តែជាទិន្នន័យមួយ ដែលភាសាអង់គ្លេសហៅថា raw data ឬ primary data ។ ទិន្នន័យប្រភេទនេះមិនសូវមានតម្លៃ និងគ្មានទម្ងន់ទេ ប៉ុន្តែវាមានសារសំខាន់ ព្រោះវាប្រៀបដូចជាគ្រឹះដំបូងបំផុត សម្រាប់យកទៅបង្កើតជាទិន្នន័យធំៗផ្សេងៗ។ ដោយហេតុដូចនេះ នាងខ្ញុំសុំឲ្យលោកអ្នកអានយកជាព័ត៌មាន និងចំណេះដឹងទូទៅ និងសុំយកទៅស្រាវជ្រាវបន្តផង។ ១. ពាក្យសម្រាប់ដាក់ក្នុងក្បាលលិខិតឯកសាររដ្ឋបាលស្ថាប័នរដ្ឋកម្ពុជា គឺមាន «ព្រះរាជាណាចក្រកម្ពុជា» និង «ជាតិ សាសនា ព្រះមហាក្សត្រ»។ ២. មានតែឯកសារ និងត្រារបស់ស្ថាប័នរដ្ឋទើបដាក់បាវចនាជាតិបាន។ ៣. ឯកសារស្ថាប័នឯកជនអាចដាក់បាវចនាជាតិ លុះណាតែឯកសារនោះជាប្រភេទឯកសារពាក់ព័ន្ធនឹងឬឆ្លងកាត់អាជ្ញាធររដ្ឋ (ចំពោះលិខិតឬឯកសារប្រភេទនេះ បើមានឧទាហរណ៍ជាក់ស្តែងទើបងាយស្រួលយល់ជាង)។ ៤. បាវចនាជាតិត្រូវដាក់លើទំព័រដំបូងគេបង្អង់។ ៥. បាវចនាជាតិអាចដាក់នៅកណ្តាលក្រដាសក៏បាន, នៅចំហៀងខាងស្តាំ ឬឆ្វេងក៏បាន (ឯកសារប្រើប្រាស់ផ្ទៃក្នុងស្ថាប័ន)។ ៦. បាវចនាជាតិគួរប្រើ font … Continue reading សង្ខេប ៩ ចំណុច នៃរបៀបដាក់បាវចនាជាតិលើឯកសារ
គំរូសម្តី MC ពេលប្តូរកម្មវិធីទស្សនីយភាពក្នុងរបៀបវារៈភ្លាមៗ (កម្មវិធីស្ថាប័នឯកជន)
រឿងបែបនេះធ្លាប់កើតមាន ជាពិសេសក្នុងពិធីសម្តែង (លក្ខណៈកម្មវិធីរបស់ស្ថាប័នឯកជន) ដោយ MC កំពុងតែប្រកាសកម្មវិធីនៅលើឆាក ស្រាប់តែក្រុមការងារមកខ្សឹបថា «កម្មវិធីហ្នឹងលុបចោលហើយ។ ប្តូរទៅ ..........................។» បើសិនជាជួបស្ថានការណ៍ដូច្នេះ តើ MC គួរនិយាយយ៉ាងដូចម្តេច? លោកអ្នកអាចមើលគំរូសម្តី MC ដែលមាននៅក្នុង PDF បាន។ ចំពោះភាសាអង់គ្លេស មិនមាននៅក្នុង PDF ទេ តែមាននៅក្នុង post នេះ (ខាងក្រោម)។ ទោះយ៉ាងណា សុំមេត្តាយកទៅកែសម្រួលតាមស្ថានភាពជាក់ស្តែង និងតាមការគួរ៕ ** * ឯកឧត្តម, លោកជំទាវ, លោក, លោកស្រី, នាងកញ្ញា និងភ្ញៀវកិត្តិយសជាទីមេត្រី តាមរបៀបវារៈ កម្មវិធីបន្ទាប់ជា ......................................... តែយើងខ្ញុំសុំអភ័យទោស និងសុំផ្លាស់ប្តូរកម្មវិធីបន្ទាប់ទៅជា កម្មវិធី .........................................។ នាពេលនេះ នាងខ្ញុំសូមគោរពអញ្ជើញឯកឧត្តម, លោកជំទាវ, លោក, លោកស្រី, នាងកញ្ញា និងភ្ញៀវកិត្តិយសទស្សនា ...............................។ សូមគោរពអញ្ជើញ។ ** … Continue reading គំរូសម្តី MC ពេលប្តូរកម្មវិធីទស្សនីយភាពក្នុងរបៀបវារៈភ្លាមៗ (កម្មវិធីស្ថាប័នឯកជន)
ស្រមោលព្រះចន្ទ្រ 