និពន្ធ និងគូររូបដោយ ភូ ចរិយា មនុស្សអាចក្លាយជាគ្រូរបស់មនុស្សដោយស្វ័យប្រវត្តិ។ មនុស្សប្រុសអាចជាគ្រូបង្រៀនមនុស្សស្រី។ ពេលនោះ នាងនឹងទទួលបានចំណេះដឹងថ្មី ហើយនាងនឹងផ្លាស់ប្តូរខ្លួននាង។ ខ្ញុំចេះ និងយល់ដឹងច្រើន ព្រោះខ្ញុំមានគ្រូជាបុរស។ ទ្រឹស្តីមួយបានពោលថា «បុរសស្រឡាញ់នារីពី ១០០ ចុះមក ០។ ចំណែកនារីស្រឡាញ់បុរសពី ០ ឡើងទៅ ១០០»។ ខ្ញុំទទួលស្គាល់ថាទ្រឹស្តីនេះត្រូវ។ គេពិតជាស្រឡាញ់ខ្ញុំចុះពី ១០០ មក ០ មែន ហើយខ្ញុំបែរជាស្រឡាញ់គេពីតិចទៅច្រើន។ ប៉ុន្តែក្នុងខណៈនោះដែរ ខ្ញុំក៏រៀនចេះទម្លាក់ក្តីស្រឡាញ់របស់ខ្ញុំចំពោះគេពី ១០០ មក ០ វិញដែរ។ ស្ត្រីប្រៀបដូចជាចង្កៀង។ ពេលដែលបុរសឃើញថាជីវិតរបស់គេងងឹត, គេរត់រកចង្កៀងភ្លាម។ ខ្ញុំរៀនចេះធ្វើជាចង្កៀងបំភ្លឺជីវិតរបស់គេ ហើយក៏បំភ្លឺជីវិតខ្លួនខ្ញុំដែរ។ មួយទៀត ខ្ញុំក៏រៀនចេះ.. បើសិនហ៊ានធ្វើឲ្យខ្ញុំយំ, ខ្ញុំនឹងចាកចេញ, ឲ្យគេងងឹតសូន្យតែម្តង។ បុរសមិនចូលចិត្តផ្កា ព្រោះគេគិតថា នារីជាបុប្ផាមានជីវិត និងស្រស់ស្អាតជាង។ ខ្ញុំរៀនចេះធ្វើជាផ្កាស្អាត និងមានតម្លៃបំផុត ហើយបុរសត្រូវតែផ្តល់នូវវត្ថុដ៏មានតម្លៃបំផុតរបស់គេ ទើបអាចយកខ្ញុំទៅតាំងលម្អក្នុងជីវិតរបស់គេបាន។ បុរសខ្លាចភាពឯកោណាស់។ ខ្ញុំរៀនចេះរស់នៅក្នុងភាពឯកោ ហើយរស់ដោយរីករាយទៀតផង។ … Continue reading រឿងប្រឌិត «នារីក្រហម»
Tag: ភូ ចរិយា
គំរូកិច្ចសន្យាលក់ដី
កិច្ចសន្យានេះ ខ្ញុំបានមកពីគេ, ហើយខ្ញុំក៏វាយអក្សររៀបចំជាកុំព្យូទ័រ file ដោយខ្លួនឯង។ លោកអ្នកអាចមើលជាគំរូ ប៉ុន្តែខ្ញុំសុំឲ្យលោកអ្នកមេត្តាកែសម្រួល និងកុំភ្លេចសាកសួរបន្ថែមពីខាងឃុំ-សង្កាត់ និងអាជ្ញាធរពាក់ព័ន្ធផង៕ ** ** * កិច្ចសន្យាលក់-ទិញដី កិច្ចសន្យានេះធ្វើនៅថ្ងៃទី...........ខែ..................ឆ្នាំ..................រវាង៖ - លោក......................... កើតថ្ងៃទី..... ខែ....... ឆ្នាំ........... កាន់អត្តសញ្ញាណប័ណ្ណលេខ ................ មានទីលំនៅផ្ទះលេខ..... ផ្លូវ....... សង្កាត់........ ខណ្ឌ........ រាជធានីភ្នំពេញ លេខទូរស័ព្ទ .......... - អ្នកស្រី ......................... កើតថ្ងៃទី..... ខែ....... ឆ្នាំ........... កាន់អត្តសញ្ញាណប័ណ្ណលេខ .................. មានទីលំនៅផ្ទះលេខ..... ផ្លូវ....... សង្កាត់........ ខណ្ឌ........ រាជធានីភ្នំពេញ ហៅថា ភាគី ក។ បានលក់ដីមួយកន្លែងនៅ................................ ដែលមានប្រវែងសរុប........ ម៉ែត្រ X ...... ម៉ែត្រ (មានបោះបង្គោលលេខ ................) ឲ្យទៅឈ្មោះ - លោក......................... … Continue reading គំរូកិច្ចសន្យាលក់ដី
និល គឺខៀវ
តាំងពីដើមមក ខ្ញុំឮគេថា និល ប្រែថា ខ្មៅ ហើយខ្ញុំក៏ជឿតាម។ ទើបតែពេលខ្ញុំស្រាវជ្រាវ និងចងក្រងពីពណ៌ខ្មែរហៅពីបុរាណ ទើបខ្ញុំប្រទះឃើញថា និលមិនមែនមានន័យថាពណ៌ខ្មៅទេ។ ខ្ញុំបានមើលវចនានុក្រមខ្មែរ, ក្នុងនោះពន្យល់ថា និល អានថា នីល (តែពេលនិយាយ ខ្មែរយើងនិយាយថា នឹល) មានន័យថា ខៀវ, ពាក្យសម្រាប់និយាយផ្សំជាមួយនឹងពាក្យខ្មៅ ឲ្យមានដំណើរប្លែក ៖ ខ្មៅនិល គឺខ្មៅខៀវ។ ឈ្មោះត្បូងព័ណ៌ខៀវ ៖ ត្បូងកណ្តៀង។ ដូច្នេះសរុបមក គេប្រាប់ខ្ញុំខុស។ ការត្រឹមត្រូវនោះគឺ និល មានន័យថា ខៀវ៕ ** ** * Nil is blue I was told that the word និល (Nil) meaned black color. When I was researching … Continue reading និល គឺខៀវ
គំរូសំណើសុំទិញទឹកសុទ្ធ
សូមគោរពជូន ....................... តាមរយៈ ៖ .............................. កម្មវត្ថុ ៖ សំណើសុំទិញទឹកសុទ្ធប្រចាំខែ..... ឆ្នាំ..... សេចក្តីដូចបានជម្រាបជូនក្នុងកម្មវត្ថុខាងលើ នាងខ្ញុំសូមគោរពស្នើសុំ...... ដើមី្បទិញទឹកបរិសុទ្ធម៉ាក..... ចំនួន..... សម្រាប់បម្រើការក្នុងអង្គប្រជុំ និងជំនួបផ្សេងៗ និងសម្រាប់ប្រើប្រាស់ប្រចាំថ្ងៃក្នុងស្ថាប័ន ប្រចាំខែ..... ឆ្នាំ.....។ អាស្រ័យដូចបានជម្រាបជូនខាងលើ សូម ............. មេត្តាពិនិត្យ និងអនុញ្ញាតដោយក្តីអនុគ្រោះ។ សូម .......... មេត្តាទទួលនូវការគោរពដ៏ខ្ពង់ខ្ពស់ពីនាងខ្ញុំ។ ថ្ងៃ..................... ខែ......... ព.ស. ..... រាជធានីភ្នំពេញ, ថ្ងៃទី....... ខែ........ គ.ស. ..... ហត្ថលេខា
ស្រមោលព្រះចន្ទ្រ 