កែសម្រួលដោយ ទេព វណ្ណៈ តើអ្នកធ្លាប់ឮរឿងតំណាលអំពីព្រះពុទ្ធទាំងប្រាំព្រះអង្គក្នុងកប្បនេះទេ? កាលពីដើម មានបុរសប្រាំនាក់ប្រាថ្នានូវព្រះពុទ្ធភូមិ។ ពួកគេរកបានផ្កាឈូកប្រាំទង ហើយអង្គុយសមាធិក្នុងល្អាងតែមួយ ដោយដាក់ផ្កាឈូកនៅមុខរបស់ពួកគេ។ ផ្កាឈូកទាំងប្រាំនឹងរីក ហើយបើផ្កាអ្នកណារីកមុន អ្នកនោះនឹងបានជាព្រះពុទ្ធមុន។ ផ្កាឈូកបានរីកជាបន្តបន្ទាប់។ ដល់ផ្កាឈូកទីបួន គឺត្រូវវេនផ្កាឈូករបស់ព្រះពុទ្ធ មេត្តេយ្យ ប៉ុន្តែបុរសផ្កាឈូករីកចុងក្រោយ (ព្រះសមណគោតម) ចង់ឆាប់ក្លាយជាព្រះពុទ្ធ ដូច្នេះក៏លួចប្តូរផ្កាឈូក។ អនាគតព្រះពុទ្ធមេត្តេយ្យដឹងតែមិនចេញស្តី សុខចិត្តរង់ចាំត្រាស់ចុងក្រោយគេ។ ដោយហេតុនេះ ទើបមានទំនាយថា មនុស្សនៅក្នុងសម័យព្រះពុទ្ធសមណគោតម មានចិត្តមិនទៀងត្រង់។ ចំណែកមនុស្សដែលកើតក្នុងសម័យរបស់ព្រះពុទ្ធមេតេ្តយ្យជាអ្នកដែលមានចិត្តល្អបរិសុទ្ធ ដោយអំណាចបុណ្យដែលទ្រង់មិនតបត។ រឿងនេះជាការនិទានតគ្នារបស់មនុស្សមួយចំនួនតូច មិនមានកត់ត្រានៅក្នុងសៀវភៅឬតម្រាណាឡើយ។ តាមការសាកសួរទៅកាន់គ្រូអាចារ្យ, ព្រះសង្ឃដែលជាពហុស្សូត, អ្នកប្រតិបត្តិសីលទាំងឡាយ និងនិស្សិតជាដើម បានបកស្រាយថា រឿងនេះមិនមែនជាការពិតឡើយ។ រឿងនេះអាចនឹងបង្កឡើងដោយគូបដិបក្ខនឹងសាសនាព្រះពុទ្ធ។ ក្នុងសម័យនោះ នៅប្រទេសឥណ្ឌាមានសាសនាច្រើន។ សាសនាទាំងនោះប្រកួតប្រជែងគ្នាខ្លាំងណាស់។ ក្រោយពេលព្រះពុទ្ធបានបដិសន្ធិឡើង មនុស្សក៏ងាករេរកព្រះអង្គ ធ្វើឲ្យសាសនាដទៃក្តៅក្រហាយ ទើបប្រតិដ្ឋរឿងជាច្រើន ដូចជារឿងដែលបានរៀបរាប់ពីខាងលើ ដើមី្បឲ្យប្រជាជនលែងមានជំនឿលើព្រះអង្គ និងត្រឡប់ទៅរកពួកគេវិញ៕ The story of the five Buddhas edited by … Continue reading តំណាលព្រះពុទ្ធប្រាំព្រះអង្គ
គំរូដាក់ពាក្យធ្វើការតាមសារអ៊ិនធើណេត
គំរូសារដាក់ពាក្យធ្វើការទៅកាន់ក្រុមហ៊ុនដោយផ្ទាល់ សូមគោរពលោកឬលោកស្រី នាងខ្ញុំឈ្មោះ............ មានបំណងចង់ដាក់ពាក្យធ្វើការនៅក្រុមហ៊ុនរបស់លោកឬលោកស្រី លើមុខតំណែងជា...............។ នាងខ្ញុំបានភ្ជាប់ CV និង Cover Letter របស់នាងខ្ញុំសម្រាប់ជូនលោកឬលោកស្រីពិនិត្យ។ ដោយក្តីគោរព (ត្រកូល និងឈ្មោះ) គំរូសារដាក់ពាក្យធ្វើការទៅកាន់ភ្នាក់ងាររកបុគ្គលិក សូមគោរពលោកឬលោកស្រី នាងខ្ញុំឈ្មោះ........... មានបំណងចង់ដាក់ពាក្យធ្វើការនៅ (ឈ្មោះក្រុមហ៊ុន) លើមុខតំណែងជា................ ដោយនាងខ្ញុំបានផ្ញើជូននូវ CV និង Cover Letter របស់នាងខ្ញុំនៅក្នុងឯកសារភ្ជាប់។ ដោយក្តីគោរព (ត្រកូល និងឈ្មោះ)
រឿង «តាឡូយចង់បានប្រពន្ធក្មេង» (២)
និពន្ធដោយ ភូ ចរិយា ចូលដល់តំបន់កប់ខ្មោចភ្លាម បរិយាកាសដូចប្រែប្រួលម៉េចមិនដឹង។ គ្មានខ្យល់បក់ទេ តែហាក់ត្រជាក់ស្រេងដូចជាធុងក្លាសសេទឹកក្រូច។ មើលពីសម្បកក្រៅ បុរសទាំងបីហំហានណាស់ ប៉ុន្តែតាមពិតក្នុងពោះរបស់ពួកគេម្នាក់ៗ ប្រាំវិនាទីបុកភឹបម្តង។ រីឯមុខប្រែជាញញឹមដោយមិនដឹងខ្លួន តែញញឹមបែបក្រូចសើច។ ទ្រាំលែងបាន តាឡូយបង្អង់ជើងរួចសួរ៖ «ហើយពេលណាទើបដល់កន្លែងត្រូវថត?» «ខ្ញុំអត់ដឹងទេ។» ចៅតាសំឆ្លើយ។ «អ្ហាក៎!» តាឡូយបើកភ្នែកធំៗ។ «ខ្ញុំទើបមកវត្តលើកទីមួយ។ ខ្ញុំធ្វើម៉េចដឹងថាកន្លែងណាកន្លែងណី។ តាទាំងពីរនៅវត្តហ្នឹង និងធ្លាប់ចេញចូលទីនេះ ដូច្នេះគួរដឹងទីតាំង។» ចៅតាសំពោល។ «ស្រេចបាត់!» «អត់ស្រេចទេ។» តាសំលូកមាត់ «មើលចៅឯងចង់បានទីតាំងយ៉ាងម៉េច?» «ឲ្យតែអាចបញ្ជាក់ថាកន្លែងដែលឈរហ្នឹងជាតំបន់ផ្នូរខ្មោចគឺបានហើយ។» «អ៊ីចឹង...» តាសំងាកមើលជុំវិញ រួចចង្អុលទៅខាងមុខ «ក្រោមដើមព្នៅនោះ តើបានទេ?» ចៅតាសំងាកទៅនិយាយជាមួយតាឡូយ «តាជួយទៅឈរសិនទៅ។» តាឡូយដើរទៅឈរពីក្រោមដើមព្នៅ។ «មេឃងងឹត តែមិនងងឹងស្លុប។ ផ្ទៃខាងក្រោយមានពន្លឺតិចៗ។ ខ្ញុំយល់ថាអាចប្រើការបាន។ សុំថតចោលមួយសិន។» ក្រោយពីថតរួច ចៅតាសំយកគំរូវីដេអូមកឲ្យតាឡូយមើល។ «មុខតាដូចមិនសូវច្បាស់។» តាឡូយពោល។ «ក្រែងតាចង់បានមុខមិនសូវច្បាស់ ដើមី្បកុំឲ្យគេស្គាល់នោះអី។» «អើមែន! ភ្លេច។» «បើតាព្រមហើយ, អ៊ីចឹងពួកយើងចាប់ផ្តើមថត។» និយាយរួច … Continue reading រឿង «តាឡូយចង់បានប្រពន្ធក្មេង» (២)
រឿង «តាឡូយចង់បានប្រពន្ធក្មេង» (១)
និពន្ធដោយ ភូ ចរិយា ថ្ងៃនេះតាឡូយទាស់សម្តីជាមួយតាសំរឿងរៀបចំបុណ្យសព។ ដោយសារតែសពជាខាងសាច់ញាតិរបស់តាសំ ដូច្នេះតាឡូយមិនអាចប្រកែកឈ្នះ។ តាឡូយម៉ួម៉ៅ។ គាត់ក៏ត្រឡប់មកផ្ទះ។ តាមផ្លូវមកផ្ទះ គាត់ឆ្លៀតទិញស្រាមួយដប។ ពេលមកដល់ផ្ទះ គាត់ក៏ទៅអង្គុយលើរនាបក្រោមដើមខ្នុរផឹកស្រារម្សាយកំហឹង។ ពេលនោះ កូនប្រុសតាឡូយទើបឌុបកូនមកពីសាលា។ ពេលឃើញតាឡូយផឹកស្រា ក៏ទៅសួរប្រពន្ធដែលកំពុងតែធ្វើម្ហូបនៅក្នុងចង្ក្រាន៖ «តើពុកយើងកើតអី?» «ឮថាគាត់ឈ្លោះជាមួយក្លើគាត់។» កូនប្រសាតាឡូយឆ្លើយ។ «អ៊ីចឹងបានគាត់ផឹកស្រាទាំងកណ្តាលថ្ងៃ។ រឿងធម្មតាទេ។» «ហ្នឹងហើយ។ កើតទុក្ខ ផឹកស្រាបំបាត់វាទៅ។ ដោយសារអ៊ីចឹង ទើបខ្ញុំមិនហាមគាត់។» ពេលនោះ កូនប្រុសរបស់ពួកគេដែលមានអាយុប្រាំពីរឆ្នាំឮសម្តីឪពុកម្តាយ ក៏រត់ត្រុយទៅសួរតាឡូយ៖ «តា! តាផឹកស្រាមែនទេ?» «អឺ។» តាឡូយតប។ «ហេតុអីបានជាតាផឹកស្រា?» «មកពីតាមិនសប្បាយចិត្ត។» «អ៊ីចឹងពេលតាមិនសប្បាយចិត្ត តាផឹកស្រាមែនទេ?» «អឺ។» «អ៊ីចឹងផឹកស្រាទៅ តាសប្បាយចិត្តឡើងវិញមែនទេ?» ពេលនោះ តាឡូយហាក់រឭកដឹងខ្លួន។ គាត់ក៏ប្រញាប់កែសម្តី៖ «មិនមែនទេ។ តានិយាយលេងជាមួយចៅទេ។ នេះទឹកទេតើ, មិនមែនស្រាទេ។» «អ៊ីចឹងពេលតាមិនសប្បាយចិត្ត តាញ៉ាំទឹក។ ញ៉ាំហើយតាសប្បាយចិត្តឡើងវិញ ត្រូវទេ?» «ត្រូវហើយចៅ។» តាឡូយងក់ក្បាល «ចៅទើបមកពីរៀន។ ទៅងូតទឹកផ្លាស់ខោអាវទៅ … Continue reading រឿង «តាឡូយចង់បានប្រពន្ធក្មេង» (១)
ស្រមោលព្រះចន្ទ្រ 